Romanos 4:16 - Porciones del Nuevo Testamento

¹⁶ Maʉ̃neba Daizezeba diaita jaradꞌara izhidꞌebemata ĩjã bꞌedꞌeba diaya, aramaʉ̃nerã izhi biaba diaya. Maʉ̃ta Abraham warrarãnebema jõmaʉ̃ĩta nʉmʉã. Bari Moisé ũrãgꞌadꞌe bꞌeitabema ẽã, awuarabʉrʉ Abrahamne kĩrãkꞌa ĩjãbʉdaitabema, aramaʉ̃ne izhira dazhirã jõmaʉ̃ zezea.

Romanos 4:16 ပူးပေါင်းရင်းမြစ်များ

Lucas 19:9

Mawũãĩ Jesúsbara mawũãsia: Naʉ̃ dedꞌabema idꞌi ẽdrʉbʉda naʉ̃sidꞌa Abrahamneba uruta bꞌʉba.

Romanos 15:8

Mʉã marãã jaraya, Jesucristora zesia judíorã aribꞌaeita, aramaʉ̃ne kꞌawuabigasia Daizezedꞌebema wãrãta. Aramaʉ̃ne aribꞌaesia zhãrã Ẽdrʉbita Daizezeba zokꞌaya adꞌata ãzhi zhibarirãta bꞌeadꞌaa.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:30

Maʉ̃ẽnabema Daizezera abꞌabai bꞌʉa. Mawũẽ izhara Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ bꞌera, Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ ẽã bꞌera.

Romanos 4:11

Abraham kꞌakua eta kꞌõnabara kꞌawuabi bꞌʉa Daizezeba bedꞌea ne ẽã bꞌʉdꞌata izha jarabʉrʉta ĩjãbʉrʉba wadꞌi kꞌakua eta kꞌõ ẽã bꞌʉdꞌe. Aramaʉ̃nerã kꞌakua eta kꞌõ ẽã bꞌeba Daizezedꞌebema ĩjã bꞌe zezea, abꞌarika ĩjã bꞌeba bedꞌea ne ẽã duanukꞌãrĩã.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 9:8

Aramaʉ̃nerã Abraham warrarã bari zharadꞌeba bꞌera Daizeze warrarã ẽã. Awuarabʉrʉ Abraham warrarã Daizezedꞌera warra izha jaradꞌadꞌebema.