Romanos 3:5 - Porciones del Nuevo Testamento

⁵ Dazha bia ẽãta obꞌʉba Daizezera biata ũdubi bꞌʉbʉrʉ, ¿kꞌãrẽta jaradꞌaipe? ¿Daizezera bia ẽka bia ẽãta obʉrʉ kꞌarea zuburia obʉrʉdꞌera? Mʉrã bedꞌea kꞌobꞌʉa zhãrã mawũã bedꞌea bꞌedꞌe.

Romanos 3:5 ပူးပေါင်းရင်းမြစ်များ

Romanos 12:19

Marã mʉã kʉãgꞌata bꞌea, iabꞌaʉba marãta bĩ ẽã ora abꞌarika orãũdua, awuarabʉrʉ idaribiudua Daizezeba kĩrũbiba pua kꞌawua omarẽã. Maʉ̃ẽnabemata zhi bꞌʉmata mawũã bꞌʉa: Mʉrẽã zhãrã kꞌawua oira, kꞌãrẽ odꞌadꞌeba mʉãbʉrʉ kꞌawua oya, maʉ̃ta jarabʉrʉa Nokꞌoba. (Deuteronomio 32:35)

Romanos 2:5

Mawũãmina bʉ sora zarea nʉmʉã kꞌazhiruata ãmape izhi pẽwãĩrã, mawũẽ izhi kĩrũbita bʉzhikusaita bira wã kĩrũ zuburia oi ewariedꞌa. Maʉ̃nerã kꞌawuabiya sãwũã pua kꞌawua oi bꞌʉdꞌe obʉrʉta Daizezebara.

Romanos 3:19

Kꞌawua bꞌea jõma Daizeze ũrãgꞌaba jara bꞌʉra jara bꞌʉa judíorã maʉ̃ ũrãgꞌa edre bꞌea, aramaʉ̃ne jõma chupea kꞌobꞌedꞌe zhãrã jõma kꞌawua okuaya Daizezebara.

Romanos 3:7

Ʉ̃kʉrʉba jarabada kĩrãkꞌa dazhi sewa nebʉrʉ bꞌʉba Daizezera wãrĩnu bedꞌea bꞌʉta kꞌawuabi bꞌʉbʉrʉ, ¿kꞌãrẽã jara bꞌʉ dazhira kꞌazhirua omiãta?

Romanos 4:1

¿Kꞌãrẽta jaradꞌaipe dazhirã zeze Abrahamnebema?

Romanos 5:8

Mawũãmina Daizezebara izha dazhira kʉãgꞌata kꞌawuabibʉrʉta wadꞌi kꞌazhirua omiãta bꞌedꞌe Cristota beubisia dazhibari.

Romanos 6:1

¿Mawũẽ kꞌasia adꞌaipe? ¿Kꞌazhiruadꞌe bꞌeaika Daizezeba izhi biaba kꞌãbãẽã sozuburiamarẽã?

Romanos 6:19

Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 7:7

¿Mawũẽ kꞌasia adꞌaipe? ¿Moisé ũrãgꞌara kꞌazhiruakꞌa? ¡Mawũã ẽã! Baribʉrʉ mʉãrã kꞌazhiruara sãwũãta kꞌawua ẽãta kꞌawuasia Moisé ũrãgꞌadꞌeba. Miã mʉãrã kꞌawua ẽbakꞌausia ne zhãrãne krĩña bꞌe ẽãrã, maʉ̃ne Moisé ũrãgꞌabara mawũã bꞌʉa: Ne zhãrãne krĩñarãrũã.

Romanos 8:31

¿Mawũẽ maʉ̃ẽnabema kꞌasia adꞌaipe? Daizezeta dazhiaare bꞌʉra, ¿dazhira kꞌaiba sãwũãĩpe?

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.