Romanos 2:9 - Porciones del Nuevo Testamento

⁹ Izha pua kꞌawua obʉrʉdꞌera zuburia bꞌeaya, sopua bꞌeaya bia ẽãta obꞌera judíorãta judíorã ẽãta.

Romanos 2:9 ပူးပေါင်းရင်းမြစ်များ

Mateo 16:26

¿Zhãrãĩtara kꞌãrẽ biata bꞌaipe ẽjũãne nʉmʉta jõma izhidꞌeta nʉmʉbʉrʉdꞌe izhi jawureta aduara? ¿O zhãrãbara kꞌãrẽta dia bꞌeipe izhi jawureta ẽdrʉbiira?

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 28:17

Jũẽnata ewari ũbeadꞌe Pablobara trʉ̃bisia nokꞌorã judíorãneta, aramaʉ̃ne ãba zebʉdadꞌera mawũãsia: Mʉ ʉrerã, mʉãrã dazhirãta bꞌera bĩ ẽã o ẽbasia, miã mʉãrã bĩ ẽã o ẽbasia dazhirã zhibarirã bꞌeadꞌaba okꞌawa bꞌeadꞌara, maʉ̃ta mʉrã jidadꞌape Jerusalénne chãbꞌarisidꞌa Roma bidꞌarã juwuadꞌe.

Hechos 28:28

Mawũẽ kꞌawuaudua, judíorã ẽãta bꞌea jaradꞌe zokꞌasia ẽdrʉidꞌebemata Daizezedꞌera. Aramaʉ̃ne maʉ̃rãbara ũrĩnaña.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Romanos 1:16

Mʉrã pera ẽã Jesúsdꞌebema bedꞌea biata jaraira, maʉ̃ Daizeze zareata jõma zhi ĩjãbʉdata ẽdrʉidꞌebema judíorãta judíorã ẽãta.

Romanos 10:12

Aramaʉ̃nerã izhara awuara eda ẽã judíorãta miã judíorã ẽãta, izhita jõmaʉ̃ Nokꞌobara biodꞌe kꞌareba bꞌʉa kꞌarebata widꞌibʉdara.

Romanos 2:10

Mawũãmina izhima bia nʉmeba bia jaraya adu-a bꞌeabiya biata obꞌera judíorãta judíorã ẽãta.

Romanos 8:35

¿Dazhira kꞌaiba ãĩ tʉipe Cristoba kʉãgꞌata bꞌera? ¿Zuburia nʉmʉbara, sopua nʉmʉbara, bĩ ẽã odꞌaita pẽwã nʉmebara, jarrabadꞌe nʉmʉbara, wua ne ẽã nʉmʉbara, menajachadꞌe nʉmʉbara, kuchoba beaita nʉmebara ãĩ tʉika?

Romanos 9:24

Maʉ̃rãta izha trʉ̃kuadꞌara trʉ̃kuasia dazhirãta, bari judíorãnebemata trʉ̃ ẽbasia, awuarabʉrʉ trʉ̃sia judíorã ẽãnebemasidꞌa.