Romanos 2:3 - Porciones del Nuevo Testamento

³ Bia ẽãta obada bꞌeta bʉa jara bꞌʉta bʉara abꞌaʉta obꞌʉra, ¿bʉ krĩchama bʉra ẽdrʉika Daizezeba pua kꞌawua oidꞌebara?

Romanos 2:3 ပူးပေါင်းရင်းမြစ်များ

Mateo 23:33

¡Marã dãma bia ẽãta bꞌe kĩrãkꞌa bꞌea! ¿Sãwũã ẽdrʉdꞌaipe Daizezeba tebʉdꞌe buekuaidꞌebara?

Mateo 26:53

¿Bʉ krĩchama mʉ kꞌarebamarẽã mʉrã mʉ Zezea zhiwidꞌiidꞌe bꞌʉ ẽka, izhara aramaʉ̃ta ángelerã mil bio mʉma zokꞌaidꞌe bꞌʉ ẽka?

Lucas 12:14

Mawũãĩ Jesúsbara mawũãsia: ¿Mʉrã kꞌaiba marã ʉ̃rʉ̃ bꞌʉsidꞌa mawũã bedꞌea marãnebemata araa oira o ne draira?

Lucas 22:58

Audre ẽãne awʉrʉba ũdupe mawũãsia: Bʉsidꞌa kꞌãʉ̃rãnebema. Mawũãĩ Pedrobara mawũãsia: Mʉrã izhi ẽã.

Lucas 22:60

Mawũãĩ Pedrobara mawũãsia: Mʉãrã kꞌawua ẽã bʉa kꞌãrẽ jara kꞌobꞌʉra. Maʉ̃ daucha izhi wadꞌi bedꞌea kꞌobꞌʉdꞌe gallo berusia.

Romanos 1:32

Mawũã bꞌebara kꞌawua bꞌea Daizezebara pua kꞌawua oita, aramaʉ̃nerã maʉ̃ kꞌaudꞌa bꞌera aduaita beuya. Mawũãsiidꞌu maʉ̃ kꞌaudꞌa bꞌea, aramaʉ̃ne sobia bꞌea maʉ̃ kꞌaudꞌa bꞌe bawara.

Romanos 2:1

Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.

Romanos 2:2

Kꞌawua bꞌea bia ẽãta obꞌera Daizezebara pua kꞌawua obaria kꞌãrẽ odꞌa wãrãneba.

Romanos 9:20

¿Bʉra kꞌaipe Daizezea mawũã bedꞌeaira? ¿Zokꞌobara zhi odꞌaa mawũãĩ bʉka?: ¿Mʉrã kꞌãrẽã kꞌãwũã osi?