Romanos 2:29 - Porciones del Nuevo Testamento

²⁹ Awuarabʉrʉ judío arata bꞌʉa soidꞌu bꞌʉta, kꞌakua e kꞌõpe bꞌʉa soidꞌu bꞌʉta, mawũã bꞌʉa Jawurebiadꞌeba soidꞌu bꞌʉta, aramaʉ̃nerã bari ũrãgꞌata kꞌawua bꞌʉdꞌeba mawũã bꞌʉ ẽã. Mawũã soidꞌu bꞌʉra zhãrãbara ibia jaradꞌa ẽã, awuarabʉrʉ ibia jaraya Daizezeba.

Romanos 2:29 ပူးပေါင်းရင်းမြစ်များ

Lucas 11:39

Maʉ̃ne Jesúsbara mawũãsia: Marã fariseorãta bꞌera vasota, epedꞌekꞌota, ʉ̃rʉ̃bʉrʉ zhi sʉgʉma kĩrãkꞌa bꞌea, mawũãmina marã edꞌara bia ẽãba bira bꞌea, nezrʉga bia ẽãta obꞌeba.

Lucas 17:21

Miã mawũãna ẽã: Za bꞌʉa, o zawa bꞌʉa adꞌa ẽã, Daizezeta Nokꞌodꞌebema bꞌʉba marãne edꞌa.

Juan 12:43

Aramaʉ̃ne zhãrãba bia jaraita krĩña bꞌeasia Daizezea bia jarabidꞌai kꞌãñabara.

Juan 4:23

Mawũãmina ewarita zeya, maʉ̃ ewarira ya arabasia, mawũẽ Daizeze wãrĩnu ibia jara bꞌebara Jawurebiadꞌeba wãrĩnu ibia jaradꞌaya, Daizezebara krĩña bꞌʉa izhira mawũã ibia jaradꞌaita.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 2:27

Kꞌakua e kꞌõ ẽã bꞌʉba Moisé ũrãgꞌata kĩrãẽpa aribꞌae bꞌʉbara kꞌawuabiya bʉara Moisé ũrãgꞌara kꞌawua bꞌʉta, kꞌakua eta kꞌõpe bꞌʉta aribꞌae ẽãta maʉ̃ ũrãgꞌara.

Romanos 3:1

¿Kꞌãrẽ biata bꞌʉ judíota bꞌaira? ¿Kꞌãrẽ biata bꞌʉ kꞌakua eta kꞌõpe bꞌaira?

Romanos 7:6

Mawũãmina idꞌira Moisé ũrãgꞌadꞌebara ẽdrʉsidꞌa, maʉ̃ ũrãgꞌa edre duanu ẽãba dazhira ya beusia maʉ̃ ũrãgꞌaitara. Mawũẽ Daizezeba jara bꞌʉta zhiwidꞌita Jawurebiadꞌeba aribꞌaedꞌaya, aramaʉ̃nerã Moisé ũrãgꞌata zhi zõrã edre duana ẽã.