Romanos 2:22 - Porciones del Nuevo Testamento

²² Kĩma ẽãta erukꞌãĩ ẽbaita jara bꞌʉta, ¿kꞌãrẽã kĩma ẽãta erukꞌãĩ bꞌʉ? Ne zhi zromarãne erubꞌera ũduama bꞌʉta, ¿kꞌãrẽã ne biara maʉ̃rã dedꞌabema zrʉgabari?

Romanos 2:22 ပူးပေါင်းရင်းမြစ်များ

Mateo 12:39

Mawũãnaĩ Jesúsbara panaʉ̃ mawũãsia: Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ.

Mateo 16:4

Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ. Mawũãpe ãmaẽkuabʉrʉta wãsia.

Marcos 11:17

Maʉ̃nerã miã ũrãgꞌabʉrʉta mawũãsia: ¿Naʉ̃ẽnabemata zhi bꞌʉmata mawũã bꞌʉ ẽka: Mʉ dera zhiwidꞌibadata nʉmʉã adꞌaita jõmaʉ̃ĩtabemata nʉmaña abꞌʉ ẽka? Mawũã bꞌʉdꞌera marãbara nezrʉgamiãrã de babi nʉmʉkꞌãrĩna. (Isaías 56:7)

Hechos 19:37

Marãbara naʉ̃rã wesidꞌa dazhirãba zhi zromane erubꞌe dera bĩ ẽã opanʉ ẽãta, mitia jara panʉ ẽãta dazhirãne Diana ne zhi zromane erubꞌera.

Romanos 12:9

Soidꞌu zhi kʉãgꞌa bꞌeaudua. Bia ẽãrã o ẽã ũduamaʉ̃dua, oudua biatrʉ.