Romanos 2:13 - Porciones del Nuevo Testamento

¹³ Moisé ũrãgꞌa bari ũrĩ bꞌeba biata duanu ẽã Daizeze kĩrãbitara, awuarabʉrʉ maʉ̃ ũrãgꞌa aribꞌae bꞌeta izhima biata bꞌea.

Romanos 2:13 ပူးပေါင်းရင်းမြစ်များ

Lucas 18:14

Mʉã marãã jaraya, maʉ̃ bedꞌea ne ẽã dedꞌaa wãsia dewarabema kꞌãñabara. Bariduta zhi zromane bꞌʉra Daizezebara zhi zroma ẽãta bꞌʉya, waya zhi zroma ẽãne bꞌʉta zhi zromata bꞌʉya.

Lucas 8:21

Mawũãnaĩ Jesúsbara panaʉ̃ mawũãsia: Mʉ papata, mʉ mebẽrãta bꞌea Daizeze bedꞌeata ũrĩ aribꞌae bꞌeta.

Juan 13:17

Maʉ̃ta sãwũãta kꞌawuadꞌara Daizezebara sobia bꞌeabiya aribꞌaedꞌara.

Hechos 13:39

Moisé ũrãgꞌadꞌebara bedꞌea ne ẽã duane bꞌe ẽãta, Jesúsdꞌebara bedꞌea ne ẽã duaneña jõma izhidꞌebemata ĩjãbʉdara.

Romanos 10:5

Moisébara ũrãgꞌadꞌeba bedꞌea ne ẽbaidꞌebemata bꞌʉdꞌata mawũãsia: Ũrãgꞌata aribꞌae bꞌʉra maʉ̃neba bꞌaya.

Romanos 2:25

Wãrãnebai kꞌakua eta kꞌõ bꞌʉra biga Moisé ũrãgꞌata aribꞌae bꞌʉbʉrʉ, mawũãmina maʉ̃ ũrãgꞌata aribꞌae ẽbʉrʉ bʉ kꞌakua eta kꞌõpe bꞌʉra kꞌakua e kꞌõ ẽkĩrãkꞌa bꞌʉa.

Romanos 3:20

Daizezeba ũrãgꞌa Moiséa diadꞌata aribꞌae nʉmʉbara beubarira miõta bedꞌea ne ẽã bꞌʉ ẽã Daizeze kĩrãbitara. Awuarabʉrʉ maʉ̃ ũrãgꞌabara kꞌawuabi bꞌʉa dazhira kꞌazhirua omiãta.

Romanos 3:23

Jõmaʉ̃ba kꞌazhiruara obada, mawũẽ ãĩ bꞌea Daizezeta kĩrãwãrẽãnebara.

Romanos 3:30

Maʉ̃ẽnabema Daizezera abꞌabai bꞌʉa. Mawũẽ izhara Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ bꞌera, Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ ẽã bꞌera.