Romanos 16:25 - Porciones del Nuevo Testamento

²⁵ Daizezebara marã jipa nʉmabi bꞌeya bedꞌea biata mʉã jaradꞌaba Jesucristodꞌebemata, mawũã nʉmabigaira izha kꞌawuabisia kꞌawuabi ẽã bꞌadꞌata ewari na wedꞌauba.

Romanos 16:25 ပူးပေါင်းရင်းမြစ်များ

Mateo 13:17

Wãrĩnu mʉã marãã jaraya, Daizezeba bedꞌeata jarabibarirã bioba, Daizezedꞌebemata biata bꞌeadꞌaba bioba ũdu krĩña bꞌeasia mʉã obꞌʉta marãba ũdu bꞌeta, mawũãmina ũdudꞌa ẽbasia, ũrĩ krĩña bꞌeasia marãba ũrĩ bꞌeta, mawũãmina ũrĩna ẽbasia.

Mateo 13:35

Aramaʉ̃ne arimaẽ berabꞌarisia Daizezeba bedꞌeata jarabibariba mawũãnata: Mʉãrã bedꞌeara ne biodꞌeba jarakꞌaya, jipa jarakꞌaya kꞌawuabiga ẽã bꞌʉta ẽjũã osidꞌeuba. (Salmos 78:2)

Mateo 20:7

Mawũãĩ mawũãsidꞌa: Daira kꞌãwũã bꞌea miõba jʉrʉdꞌa ẽãba. Mawũãnaĩ izhara mawũãsia: Marãsidꞌa trajadꞌe wãũdua mʉ uvadꞌe, mʉãrã pagꞌakuaya sãwũã pagꞌai bꞌʉdꞌe.

Hechos 20:32

Kꞌõbebʉrʉ mebẽrã mʉã marã chãbꞌariya Daizezea, bedꞌeata izhi biaba jarabi nʉmʉkꞌãrĩã chãbꞌariya, izhara zareata erubꞌʉa marã soidꞌu bꞌeabiita, marãã dedꞌekaya izha diaita jaradꞌara izhidꞌeta duanuna jõmaʉ̃ã.

Hechos 9:20

Maʉ̃nerã de zhi jʉrebada nʉmeza jarakꞌasia Jesúra zhãrã Ẽdrʉbita Daizeze Warrata.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.

Romanos 14:4

¿Bʉra kꞌaipe nezokꞌa awʉrʉdꞌeta jara nʉmaĩrã? Zhibaribʉrʉ jaraya bia nʉmʉta o bꞌaebʉrʉta. Mawũãmina jipa nʉmaña Nokꞌo Daizezera zhi zromaneba jipa nʉmabiita.

Romanos 16:24

Izhi biadꞌebema dazhirã Nokꞌo Jesucristodꞌera nʉmaña marã jõmaʉ̃ bawara. Amén.

Romanos 2:16

Daizezeba kꞌawua obʉrʉ ewadera zhãrãnebema kꞌawuadꞌa ẽãrã Jesucristodꞌeba kꞌawua oya bedꞌea biata mʉã jara bꞌʉdꞌe.