Romanos 16:20 - Porciones del Nuevo Testamento

²⁰ Daizeze dazhi adu-a bꞌabi bꞌʉbara dããrã ẽãne panchi kꞌobꞌʉya ãtõmiã marã jẽrũ edre. Izhi biadꞌebema dazhirã Nokꞌo Jesucristodꞌera nʉmaña marã bawara.

Romanos 16:20 ပူးပေါင်းရင်းမြစ်များ

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Lucas 10:19

Mʉã marãã zareata diasia dãmata, drusũrẽta nebʉdara eubꞌari ẽbamarẽã, ãtõmiã zarea jõmaʉ̃ ʉ̃rʉ̃ diasia, mawũẽ marã miã kꞌãrẽba sãwũã ẽã.

Romanos 15:33

Daizeze dazhi adu-a bꞌabi bꞌʉra nʉmaña marã jõmaʉ̃ bawara. Amén.

Romanos 16:23

Marãã saludo diabuea Gayoba, mʉrã izhi dedꞌa bꞌʉkꞌãrĩã, izhi dedꞌa zhi jʉrebibaria mebẽrãsidꞌa jõma. Marãã saludo diabuea Erastoba, izhira plata naʉ̃ pʉwʉrʉdꞌebema wuagꞌabaria, saludo diabuea mebea Cuartoba.

Romanos 16:24

Izhi biadꞌebema dazhirã Nokꞌo Jesucristodꞌera nʉmaña marã jõmaʉ̃ bawara. Amén.

Romanos 8:37

Maʉ̃ zuburiara dazhirãbara jõma edre bꞌaebibada Jesucristodꞌeba dazhirã kʉãgꞌadꞌeba.