Romanos 15:7 - Porciones del Nuevo Testamento

⁷ Maʉ̃ba marã zhiya bia edaudua, Cristoba dazhirã bia edadꞌa kĩrãkꞌa bꞌeaudua Daizezeta ibia jaradꞌamarẽã.

Romanos 15:7 ပူးပေါင်းရင်းမြစ်များ

Mateo 10:40

Iabꞌaʉba marãta bia edabʉrʉra mʉta bia edabʉrʉa, mʉta bia edabʉrʉra bia edabʉrʉa mʉ zokꞌadꞌata.

Marcos 9:37

Mʉnebemata ĩjã bꞌʉdꞌeba iabꞌaʉba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa, mʉta bia edabʉrʉra bari mʉta bia edabʉrʉ ẽã, awuarabʉrʉ bia edabʉrʉa mʉ zokꞌadꞌata.

Lucas 15:2

Mawũẽ fariseorãbara ũrãgꞌa Moisédꞌe jarabadabara jara mawũãsidꞌa: Naʉ̃bara bia eda bꞌʉa kꞌazhirua omiãrãta, nekꞌo bꞌʉa ãzhi bawara.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.

Juan 13:34

Aribꞌaeita zhiwidꞌita mʉã marãã jaraya: Zhiya kʉãgꞌaudua, mʉã marãta kʉãgꞌa bꞌʉ kĩrãkꞌa.

Juan 6:37

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Romanos 15:9

Aramaʉ̃ne Daizezeta judíorã ẽãba ibia jaradꞌamarẽã izha sozuburia nʉmʉneba. Maʉ̃ẽnabemata zhi bꞌʉmata mawũã bꞌʉa: Judíorã ẽãne edꞌa mʉã bʉra ibia jaraya, mʉã bʉra ibia jara trʉ̃ãña. (2 Samuel 22:50; Salmos 18:49)

Romanos 5:2

Jesucristodꞌebemata ĩjã bꞌedꞌebemanerã dazhirã Daizezebara izhi biaba nʉmʉkꞌãrĩã, dazhirã maʉ̃ne jipa nʉmeã. Aramaʉ̃ne sobia krĩcha bꞌea Daizeze kĩrãwãrẽãnebemata jidadꞌaita.