Romanos 15:3 - Porciones del Nuevo Testamento

³ Miã Cristosidꞌa izhiitabʉrʉ bia nʉma ẽbasia. Awuarabʉrʉ maʉ̃ẽnabemata zhi bꞌʉmata mawũã bꞌʉa: Zeze, bʉta ikꞌazhirua jaradꞌapeadꞌara mʉ ʉ̃rʉ̃ bꞌaesia.

Romanos 15:3 ပူးပေါင်းရင်းမြစ်များ

Mateo 10:25

Biga ne kꞌawa bꞌʉta nʉmʉbʉrʉ izhi ne jaradia bꞌʉ kĩrãkꞌa, biga nezokꞌata nʉmʉbʉrʉ izhi nokꞌo kĩrãkꞌa. Aramaʉ̃ kĩrãkꞌa mʉ zhidekʉta Beelzebú apanʉbʉrʉ, ¡audre jaradꞌaya marã mʉ dedꞌabema!

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Mateo 27:44

Aramaʉ̃ kĩrãkꞌa ijura jarasidꞌa nezrʉgamiãrã cruzdꞌe kꞌachidꞌapeadꞌabara izhi bawara.

Juan 15:10

Mʉã jara bꞌʉta aribꞌae bꞌebʉrʉ mʉã kʉãgꞌata bꞌeaya, aramaʉ̃ kĩrãkꞌa mʉãrã mʉ Zezeba jara bꞌʉta jõma aribꞌae bꞌʉa, mawũẽ mʉrã izha kʉãgꞌa.

Juan 15:24

Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.

Juan 6:38

Mʉrã ʉ̃trebara ze ẽbasia mʉã krĩñata oita, awuarabʉrʉ zesia mʉ Zeze mʉ zokꞌadꞌaba krĩñata oita.

Juan 8:29

Mʉ zokꞌadꞌara mʉ ũme bꞌʉa, aramaʉ̃ne mʉ Zezebara mʉrã dobꞌa kenabꞌari ẽã, mʉãrã ewariza obꞌʉba izha krĩñata.