Romanos 15:18 - Porciones del Nuevo Testamento

¹⁸ Mʉrã ne awʉrʉdꞌera bedꞌeaidꞌe bꞌʉ ẽã, awuarabʉrʉ jaraidꞌe bꞌʉa Cristoba mʉneba odꞌata, aramaʉ̃ne judíorã ẽãba Daizezedꞌebemata aribꞌaedꞌamarẽã mʉ ũrãgꞌadꞌeba mʉã kꞌãrẽ odꞌadꞌeba.

Romanos 15:18 ပူးပေါင်းရင်းမြစ်များ

Mateo 25:16

Moneda cinco mil jidadꞌabara wãpe negocio obʉrʉba ganasia audꞌu cinco mil.

Marcos 16:20

Izha jʉrʉkuadꞌara wãnape izhidꞌebemata jarasidꞌa baridu maẽ. Nokꞌo Jesúsbara ãzhira kꞌareba nʉmʉneba bedꞌeara wãrãta jara panʉta kꞌawuabiga nʉmasia ũdudꞌakꞌata obiga nʉmʉneba. Amén.

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 15:12

Pedroba mawũãĩ kꞌabanata kꞌobꞌera jõma chupeasidꞌa. Mobe ũrĩsidꞌa Bernabéba Pabloba jarabʉdata ũdudꞌakꞌa zromata Daizezeba ãzhidꞌeba odꞌata judíorã ẽãne edꞌa.

Hechos 15:4

Jerusalénʉẽna jũẽbʉdadꞌera bia edasidꞌa mebẽrãba, Jesúsba zokꞌakuadꞌaba, nokꞌorã mebẽrãneba. Aramaʉ̃ne jõma jarasidꞌa Daizezeba kꞌãrẽ odꞌata ãzhi bawara.

Hechos 21:19

Maʉ̃rã saludꞌape abꞌa abꞌaʉdꞌe nebʉrʉsia judíorã ẽãta bꞌedꞌe edꞌa Daizezeba kꞌãrẽ odꞌata izhi miã ũrãgꞌa wãne.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Romanos 6:17

Mʉã Daizezea zhibia ji bꞌʉra kꞌazhirua nezokꞌata bꞌeasimina marãbara soidꞌu aribꞌae bꞌea Daizeze ũrãgꞌa jaradiadꞌapeadꞌata.