Romanos 15:13 - Porciones del Nuevo Testamento

¹³ Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Romanos 15:13 ပူးပေါင်းရင်းမြစ်များ

Juan 14:1

Sopuarãũdua. Ĩjãũdua Daizezedꞌebemata, ĩjãũdua mʉnebemasidꞌa.

Juan 14:27

Adu-a bꞌaidꞌebemata mʉã marãĩta ãmaẽña, adu-a bꞌaidꞌebemata mʉrẽta mʉã marãã diaya. Maʉ̃ mʉãrã dedꞌeka ẽã ẽjũãne bꞌeba aritiaedꞌa diabada kĩrãkꞌa. Mawũẽ sopuarãũdua, miã perarãũdua.

Romanos 12:12

Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 15:19

Mʉãrã ũdudꞌakꞌa zromata okuasia Jawurebia Daizezedꞌe zareadꞌeba. Aramaʉ̃ne Jerusalénneba Ilírico druaidꞌu jõmaʉ̃ã jarasia bedꞌea biata Cristodꞌera.

Romanos 15:5

Daizezebara kꞌãrẽ zrogꞌa wãnigua nʉmabi bꞌʉbara marãã abꞌaʉ krĩchata diaya Jesucristoba krĩñane.