Romanos 14:3 - Porciones del Nuevo Testamento

³ Ne jõma kꞌo bꞌʉbara bĩ ẽã jaraidꞌe bꞌʉ ẽã ne jõma kꞌo ẽãrã, ne jõma kꞌo ẽãbara ne jõma kꞌo bꞌʉra jara nʉmaĩne bꞌʉ ẽã Daizezeba jidadꞌaba.

Romanos 14:3 ပူးပေါင်းရင်းမြစ်များ

Mateo 18:10

Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 9:14

Juanba jʉrʉkuadꞌata Jesúsma zedꞌape mawũãsidꞌa: ¿Daita dewara fariseorãta daira kꞌãrẽneba baridua nekꞌo ẽã zhiwidꞌi bꞌedꞌe, bʉa jʉrʉkuadꞌara nekꞌo ẽã zhiwidꞌi duanu ẽpe?

Lucas 18:9

Ʉ̃kʉrʉ ãzhikusa biata bꞌeba awʉrʉrãta yarebai eda bꞌedꞌebemata Jesúsbara ne jara mawũãsia:

Hechos 10:34

Mawũãĩ Pedrobara mawũãsia: Mʉãrã wãrãne kꞌawuabʉrʉa Daizezebara zhãrã awuara eda ẽãta.

Hechos 10:44

Pedro mawũã bedꞌea kꞌobꞌʉdꞌe Jawurebiara zesia izhi bedꞌeata ũrĩ kꞌobꞌe jõmaʉ̃ne.

Hechos 28:2

Mama bꞌebara daira kꞌãbãẽã bia edabʉdata tebʉ puadꞌape daira jõma bʉredrʉbisidꞌa kue ze nʉmʉba kũrãsãba.

Romanos 11:15

Daizezeba judíorã kenabꞌaridꞌata ẽjũãne nʉmʉ biaitabemabʉrʉ, ¿judíorãba Cristodꞌebemata ĩjãbʉdadꞌera Daizeze ũme bꞌai jõ ẽã bꞌeai ẽka beudꞌa kĩrãkꞌa bꞌeadꞌata?

Romanos 14:1

Bia edaidꞌe bꞌʉa bia kꞌawua ẽã ĩjã bꞌʉra, mawũãmina bĩ ẽã bedꞌeaidꞌe bꞌʉ ẽã izhi krĩcha ʉ̃rʉ̃rã.

Romanos 14:10

Mawũẽ bʉara, ¿kꞌãrẽã jara nʉmaĩpe bʉ mebeara? O bʉara, ¿kꞌãrẽã bĩ ẽã jara nʉmaĩpe bʉ mebeara? Dazhira jõma kĩrãbita nʉmeãña Cristoba kꞌawua oi maẽ.

Romanos 14:13

Maʉ̃ba ya wueta zhiya zhi jaradꞌa ẽã, awuarabʉrʉ krĩchaudua tẽnedrʉbidꞌa ẽbaita o bꞌaebidꞌa ẽbaita mebeata.

Romanos 14:15

Mawũãmina zhikodꞌeba bʉ mebeata bʉa sopua ora, ya bʉra nimi ẽã zhãrã kʉãgꞌai bꞌʉdꞌe. Maʉ̃ba bʉ zhikoba jarita aduabirãrũã maʉ̃bari Cristo beudꞌata.

Romanos 14:21

Audre biga nezhara kꞌo ẽbaita, miã vino do ẽbaita, miã kꞌãrẽta o ẽbaita bĩ ẽã obʉrʉba bꞌaebii kꞌãñabara bʉ mebeata.

Romanos 15:7

Maʉ̃ba marã zhiya bia edaudua, Cristoba dazhirã bia edadꞌa kĩrãkꞌa bꞌeaudua Daizezeta ibia jaradꞌamarẽã.