Romanos 12:19 - Porciones del Nuevo Testamento

¹⁹ Marã mʉã kʉãgꞌata bꞌea, iabꞌaʉba marãta bĩ ẽã ora abꞌarika orãũdua, awuarabʉrʉ idaribiudua Daizezeba kĩrũbiba pua kꞌawua omarẽã. Maʉ̃ẽnabemata zhi bꞌʉmata mawũã bꞌʉa: Mʉrẽã zhãrã kꞌawua oira, kꞌãrẽ odꞌadꞌeba mʉãbʉrʉ kꞌawua oya, maʉ̃ta jarabʉrʉa Nokꞌoba. (Deuteronomio 32:35)

Romanos 12:19 ပူးပေါင်းရင်းမြစ်များ

Mateo 5:39

Waya mʉã marãã jaraya, abꞌarika orãrũã iabꞌaʉba bʉta bĩ ẽã obʉrʉdꞌera. Baribʉrʉ bariduba bʉta kĩrã juwua araarebemata tachira wuadua dewarabemasidꞌa.

Romanos 12:14

Ibia jaraudua marã bĩ ẽã oita pẽwã bꞌera. Ibia jaraudua ikꞌazhirua jararãũdua.

Romanos 12:17

Iabꞌaʉba marãta bĩ ẽã ora abꞌarika bĩ ẽã orãũdua. Biata oudua jõmaʉ̃ kĩrãbita.

Romanos 13:4

Nokꞌorã Daizezebara izhi nezokꞌarã kĩrãkꞌa bꞌʉsia bʉ biaitabemata. Mawũãmina bʉa bia ẽãta ora wawiarua. Bari nokꞌota chubꞌe ẽã, Daizezebara izhi nezokꞌarã kĩrãkꞌa bꞌʉsia zhãrã sãwũã oi bꞌʉdꞌe odꞌamarẽã, pua kꞌawua odꞌamarẽã bia ẽãta obꞌʉra.