Romanos 12:12 - Porciones del Nuevo Testamento

¹² Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.

Romanos 12:12 ပူးပေါင်းရင်းမြစ်များ

Mateo 5:12

Bꞌʉsridꞌaudua, sobiaudua, mawũãrã marãbara ʉ̃tre ne biata waibꞌʉa jidadꞌaya. Daizezeba bedꞌeata jarabibarirã bꞌeadꞌasidꞌa mawũã zuburia obazhidꞌa marã bꞌe nawedꞌa bꞌeadꞌata.

Lucas 10:20

Mawũãmina sobiarãũdua jaita marã edre nʉme kꞌarea. Awuarabʉrʉ sobiaudua marã trʉ̃ta zhi bꞌʉma kꞌarea ʉ̃tre.

Lucas 21:19

Zuburiata zrogꞌa bꞌedꞌe ẽdrʉbidꞌaya mazhi jawurera.

Lucas 8:15

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Hechos 1:14

Maʉ̃rãta baridua ãba zhiwidꞌi duanasia wũẽrãrã bawara, Jesús papa María bawara, Jesús mebẽrã bawara.

Hechos 12:5

Aramaʉ̃ne Pedrora akʉ bara bꞌesia cárceldꞌe. Mawũãmina mebẽrã Daizezea zhiwidꞌi taudꞌa ẽbasia izhibari.

Hechos 2:42

Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.

Hechos 6:4

Waya daira zhiwidꞌi bꞌeaya, Daizeze bedꞌeata jara bꞌeaya.

Romanos 15:13

Daizezebara izhita krĩchabi bꞌʉa, mawũẽ marã kꞌãbãẽã sobia adu-a soidꞌu bꞌeabiya, aramaʉ̃ne jipa izhitrʉ krĩcha bꞌeamarẽã Jawurebia zareadꞌeba.

Romanos 15:4

Naara kꞌãrẽ bꞌʉdꞌapeadꞌara dazhi ũrãgꞌata bꞌʉsidꞌa, mawũã zhi bꞌʉmabara kꞌãrẽ zrogꞌa wãnigua nʉmabiga bꞌʉa Daizeze ũme bia nʉmeta kꞌawua bꞌeamarẽã.

Romanos 2:7

Izhi ũme bꞌai jõ ẽãta diaya biata obꞌeba jʉrʉ bꞌea izha bia jaramarẽã, beukꞌata bꞌʉmarẽã.

Romanos 8:25

Mawũãmina dazha ũdu ẽãta jʉ̃ã bꞌʉra ũduyeedꞌa jʉ̃ãbada.