Romanos 12:1 - Porciones del Nuevo Testamento

¹ Mawũẽ mebẽrã, Daizezeba sozuburiadꞌaba mʉã marãã jaraya, marã kꞌakuara izhaa chãbꞌaribʉdata Daizezeba krĩñane bꞌeaudua, marã mawũãrã wãrãne izha krĩñane nʉmeãña.

Romanos 12:1 ပူးပေါင်းရင်းမြစ်များ

Lucas 7:47

Mawũẽ mʉã bʉaa jaraya, kꞌazhirua biodꞌebara mʉãrã bedꞌea ne ẽã bꞌidꞌapʉa, mawũẽ mʉrã bio kʉãgꞌa. Mawũãmina iabꞌa izhima kꞌazhirua bio ne ẽãta bedꞌea ne ẽã bꞌʉra maʉ̃bara bio kʉãgꞌa ẽã.

Romanos 12:2

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.

Romanos 15:16

Jesucristo nezokꞌata bꞌamarẽã judíorã ẽãta bꞌerãĩta. Mawũẽ mʉãrã bedꞌea biata Daizezedꞌeta jarakꞌa bꞌʉa, sacerdoteba nendʉwʉrʉ Daizezeba krĩñata webari kĩrãkꞌa judíorã ẽãrã aramaʉ̃ne izhima we bꞌʉa izhiita bꞌeamarẽã Jawurebiadꞌeba.

Romanos 15:30

Mawũãmina mebẽrã, mʉrã marãã zuburia bedꞌeaya, dazhirã Nokꞌo Jesucristodꞌeba Jawurebiadꞌeba zhi kʉãgꞌa bꞌedꞌeba mʉrã kꞌarebaudua mʉbari zhiwidꞌi Daizezea.

Romanos 2:4

¿O bʉma seri ẽka izha kꞌãbãẽã sozuburia nʉmʉba zrogꞌa bꞌʉra, bʉara kꞌawua ẽã nʉmʉ ẽka izhara sozuburia bꞌʉta kꞌazhiruara ãmape izhita pẽwãmarẽã?

Romanos 6:13

Marã kꞌakuara idu kꞌazhiruaa chãbꞌarirãũdua bia ẽãta oita. Awuarabʉrʉ marã Daizezea chãbꞌariudua zokꞌai duaĩnaba kꞌazhiruadꞌe beu bꞌeadꞌata, aramaʉ̃ne marã kꞌakuara Daizezea chãbꞌariudua biata oita.

Romanos 6:16

¿Kꞌawuadꞌa ẽka marãta zhãrã edre nezokꞌata nʉmebʉrʉdꞌera maʉ̃ bedꞌeata aribꞌae nʉmebari ẽka, aramaʉ̃ kĩrãkꞌa nʉmʉ ẽka kꞌazhirua nezokꞌara aduaita beuita, waya Daizeze bedꞌeata aribꞌae bꞌʉra nʉmʉ ẽka bia nʉmaĩ kꞌarea?

Romanos 6:19

Mʉãrã mawũã nezokꞌadꞌebemata jara nʉmʉã mʉã jara bꞌʉta marãbara sãwũãta kꞌawuadꞌa ẽãba. Nawedꞌara marã kꞌakuara bia ẽã chãbꞌarisidꞌa ne mitiata dazhi perata odꞌaita. Waya idꞌidꞌera marã kꞌakuara Daizezea chãbꞌariudua biata odꞌaita.

Romanos 9:23

Mawũã zrogꞌasia izhira kĩrãwãrẽã zromata izha sozuburiadꞌarãã kꞌawuabigai kꞌarea, nawedꞌa aribꞌaesia mawũã kĩrãwãrẽãnebemata bꞌeabiita.