Romanos 10:3 - Porciones del Nuevo Testamento

³ Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Romanos 10:3 ပူးပေါင်းရင်းမြစ်များ

Lucas 10:29

Mawũãĩ izhara sewa bia widꞌi krĩñape Jesúa mawũãsia: ¿Kꞌaipe mʉ zhãrã?

Lucas 16:15

Mawũẽ Jesúsbara mawũãsia: Zhãrã kĩrãbitara marã biarã kĩrãkꞌa bꞌea, mawũãmina Daizezebara ũdukꞌawua bꞌʉa marã sora. Zhãrãba kꞌãbãẽã ne biadꞌe erubꞌera Daizezebara krĩña ẽã.

Romanos 1:17

Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Romanos 10:2

Mʉã kꞌawuaidꞌera Daizezeba krĩñane nʉma krĩña bꞌea, mawũãmina wãrĩnu sãwũãta kꞌawua duanu ẽã.

Romanos 10:20

Dewara Daizezedꞌeba Isaíaba wãnigua mawũãsia: Mʉrã ũdusidꞌa mʉ jʉrʉ ẽã bꞌeadꞌaba, mʉrã zhi ũdukꞌawabigasia mʉ widꞌi ẽã bꞌeadꞌaa. (Isaías 65:1)

Romanos 11:7

¿Aramaʉ̃nerã sãwũãpe? Israel bꞌera Daizezema bia nʉmeãĩta jʉrʉ bꞌeadꞌadꞌe duane ẽbasia. Mawũãmina izha jʉrʉkuadꞌara mawũã duanesia, waya wuaabema zarea duanesia.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:26

Mawũẽ idꞌi ewadera izha sãwũã bedꞌea ne ẽã bꞌʉita kꞌawuabi nʉmʉrã izhira biata bꞌʉba bedꞌea ne ẽã obꞌʉa zhi ĩjãbʉrʉra Jesúsdꞌebemata.

Romanos 5:19

Adánba Daizeze bedꞌeata aribꞌae ẽbadꞌaba zhãrã jõma kꞌazhirua omiãta nʉmʉsia. Aramaʉ̃ kĩrãkꞌa Jesúsba Daizeze bedꞌeata aribꞌaedꞌaba zhãrã bio bedꞌea ne ẽã bꞌʉya.