Romanos 10:15 - Porciones del Nuevo Testamento

¹⁵ ¿Sãwũã jaradꞌaipe jaradꞌe zokꞌakuadꞌa ẽbʉrʉ? Maʉ̃ẽnabemata zhi bꞌʉmata mawũã bꞌʉa: ¡Kꞌãbãẽã kĩrãwãrẽã adu-a bꞌaidꞌebemata jara bꞌera bedꞌea biata!

Romanos 10:15 ပူးပေါင်းရင်းမြစ်များ

Mateo 9:38

Maʉ̃ba widꞌiudua Daizeze zhãrã Zhibaria, miã ũrãgꞌabadata zokꞌamarẽã izhidꞌebema ĩjãĩta bꞌema.

Lucas 10:1

Maʉ̃ tẽã Jesúsbara dewara awʉrʉrãta setenta jʉrʉkuape izhi naa ũme ũmekꞌa zokꞌakuasia pʉwʉrʉza izhi wãĩ maẽ.

Lucas 2:10

Mawũãmina ángelbara mawũãsia: Perarãũdua, kꞌãbãẽã sobiaidꞌebemata mʉã marãã bedꞌea biata jaraya zhãrã jõmaʉ̃ĩtabemata.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Lucas 8:1

Maʉ̃ tẽã Jesús wãsia pʉwʉrʉ zromaza, pʉwʉrʉ zakeza, bedꞌea biata jarakꞌa wãsia Daizezeta Nokꞌodꞌebemata. Kꞌaidꞌu bꞌeasia izha jʉrʉkuadꞌata docera.

Juan 20:21

Mawũẽ Jesúsbara wakusa mawũãsia: ¡Kʉa, marã adu-a bꞌeaudua! Mʉ Zezeba mʉta zokꞌadꞌa kĩrãkꞌa mʉãbidꞌa marãta zokꞌaya.

Hechos 10:36

Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Hechos 22:21

Mʉã mawũãĩ mawũãsia: Wãrũã, mʉã bʉra wawara zokꞌaya judíorã ẽãma.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Romanos 1:15

Mawũẽ mʉãrã Jesúsdꞌe bedꞌea biara marããbidꞌa kꞌadrʉabai jaraya marã bꞌea Romane.

Romanos 15:20

Aramaʉ̃ne mʉãrã Cristodꞌebema bedꞌea biara jara krĩña bꞌʉa Cristodꞌebema jaradꞌakꞌa maẽ, aramaʉ̃ne jara ẽbaita zhãrãba jara bꞌʉ maẽ.