Romanos 1:7 - Porciones del Nuevo Testamento

⁷ Jõma marã Roma pʉwʉrʉdꞌebemata bꞌera Daizezeba kʉãgꞌata bꞌea, marã jʉrʉkuasia izhidꞌeta bꞌeamarẽã: Mawũẽ izhi biaba marã adu-a bꞌeabiya dazhi Zhibari dazhirã Zezeba dewara Nokꞌo Jesucristoba.

Romanos 1:7 ပူးပေါင်းရင်းမြစ်များ

Mateo 5:16

Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Hechos 9:13

Mawũãĩ Ananíabara panaʉ̃ mawũãsia: Nokꞌó, mʉãrã biodꞌeba ũrĩbaria maʉ̃nebemata, zuburia okua bꞌʉbidꞌa bʉdꞌebema ĩjã bꞌeta Jerusalénne.

Romanos 1:6

Marã maʉ̃rãnebemata bꞌea, marã jʉrʉkuasia bꞌeamarẽã Jesucristodꞌeta.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:5

Mawũã jidaira dazhirãĩtara sewa ẽãta Daizezebara kʉãgꞌata izhidꞌeta dazhirã sodꞌe diasia Jawurebiata dazhirãã diadꞌaba.

Romanos 8:28

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.

Romanos 8:39

jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.

Romanos 9:25

Maʉ̃ẽnabemata Daizezeba jaradꞌata Oseas librodꞌe mawũã bꞌʉa: Mʉãrã mʉrẽrã aya mʉrẽrã ẽbadꞌata. Mʉã kʉãgꞌata duana ẽbadꞌata mʉã kʉãgꞌata bꞌea aya. (Oseas 2:23)