Romanos 1:30 - Porciones del Nuevo Testamento

³⁰ Zhãrã jarabada, Daizezera juradea, zhãrãma mitia bedꞌeabada, zhi zromane bꞌea, bigaudꞌe bꞌea, krĩcha jʉrʉbada bia ẽãta oita, ũrĩna ẽã ãzhi zhibarirã bedꞌeara.

Romanos 1:30 ပူးပေါင်းရင်းမြစ်များ

Mateo 15:4

Daizezebara mawũãsia: Wawiarua bʉ zezera bʉ papara. Zezeta o papata ikꞌazhirua jarabʉrʉra beadꞌaibara.

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Lucas 21:16

Marã chãbꞌaridꞌaya ari mazhi zhibarirãba, mazhi mebẽrãba, mazhi ʉrerãba, mazhi bawara zhibiarãba. Marãnebema ʉ̃kʉrʉ beakuadꞌaya.

Juan 7:7

Naʉ̃ ẽjũãne bꞌebara marã ũduama ẽã, mawũãmina mʉrã ũduama bꞌea mʉã jara bꞌʉba ãzha obꞌera bia ẽãta.

Hechos 5:36

Naʉ̃ ewari nawedꞌa Teuda piradrʉdꞌata kꞌawuaudua, izhira zhi zromane bedꞌeasia. Maʉ̃ bawara duanesia ũmakĩrãrã cuatrociento, mawũãmina maʉ̃ beasidꞌa. Mawũẽ izhi bedꞌeata aribꞌae bꞌeadꞌara jãrãzoa ne ẽãsia.

Romanos 2:17

Marãbara marã judío abꞌeta Moisé ũrãgꞌadꞌeba Daizeze ũme bedꞌea ne ẽãne bꞌea.

Romanos 2:23

Bʉma bʉara Moisé ũrãgꞌara biodꞌe kꞌawua bꞌʉta, ¿maʉ̃ ũrãgꞌa aribꞌae ẽãba kꞌãrẽã bĩ ẽã jarabi bꞌʉ Daizezera?

Romanos 3:27

¿Aramaʉ̃nerã arakꞌãwũãrã bia nʉmaĩka? ¡Arakꞌãwũãrã ãĩ bꞌʉya! ¿Bia nʉmaĩka Moisé ũrãgꞌadꞌebara? ¿Bia nʉmaĩka maʉ̃ ũrãgꞌata aribꞌae bꞌʉdꞌebara? Mawũã ẽã, awuarabʉrʉ bia nʉmaña Jesúsdꞌebema ũrãgꞌata ĩjã bꞌʉba.