Romanos 1:17 - Porciones del Nuevo Testamento

¹⁷ Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Romanos 1:17 ပူးပေါင်းရင်းမြစ်များ

Juan 3:36

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Romanos 10:3

Daizezeba sãwũã bedꞌea ne ẽã bꞌʉbarira kꞌawuadꞌa ẽã, mawũẽ ãzha kꞌãrẽ obꞌeba bedꞌea ne ẽã bꞌeaita krĩcha nʉmeba Daizezeba bedꞌea ne ẽã bꞌʉidꞌebemane duanu ẽã.

Romanos 3:21

Mawũãmina idꞌira Moisé ũrãgꞌa aribꞌaedꞌa ẽãne sãwũã bedꞌea ne ẽã bꞌʉira kꞌawuabisia Daizezebara, maʉ̃ zhi jarama Moisé ũrãgꞌaba, Daizezeba bedꞌeata jarabibarirã bꞌeadꞌaba.

Romanos 3:22

Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.

Romanos 3:3

¿Kꞌõbe sãwũãĩpe ʉ̃kʉrʉ ãzhidꞌebemaba ĩjãna ẽãrã? ¿Mawũã ĩjãna ẽãba izha jaradꞌara aribꞌae ẽka Daizezebara?

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.