Romanos 1:13 - Porciones del Nuevo Testamento

¹³ Mebẽrã, mʉã marãba kꞌawuadꞌaita krĩñata kꞌawuaudua mʉrã biodꞌe marãma wãza bꞌʉa, aramaʉ̃ne marãnebemabidꞌa Jesúsdꞌebemata ĩjãnamarẽã dewaraurã judíorã ẽãba ĩjãnapeadꞌa kĩrãkꞌa, mawũãmina idꞌi basiidꞌu wã bꞌe ẽã nʉmʉã.

Romanos 1:13 ပူးပေါင်းရင်းမြစ်များ

Juan 12:24

Mʉã wãrĩnu marãã jaraya, trigo ta egorodꞌe ubudata pãwãrãĩta beu ẽbʉrʉ abꞌabai bꞌaya, mawũãmina pãwãrãĩta beura, waripe bio zauya.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Juan 4:36

Ne bꞌʉa nʉmʉbara ne jida bꞌʉa, aramaʉ̃ kĩrãkꞌa nʉmʉbara jara bꞌʉa mʉnebemata ĩjãnamarẽã Daizeze ũme bꞌai jõ ẽãnebemata, mawũẽ ne ubarita ne bꞌʉabari ũme sobiabada kĩrãkꞌa bꞌʉa.

Hechos 1:15

Maʉ̃ ewade Pedrora mebẽrã ẽsadra piradrʉsia bedꞌeai kꞌarea, maʉ̃nerã ciento veinte kĩrãkꞌa zhi jʉre nʉmʉne mawũãsia:

Hechos 14:27

Jũẽnape mebẽrã ãba jʉredꞌape jarasidꞌa Daizezeba ne bia zroma odꞌata ãzhi bawara, aramaʉ̃ne sãwũã ewa nʉminapʉta Jesúsdꞌebema ĩjãnamarẽã judíorã ẽãba.

Hechos 15:12

Pedroba mawũãĩ kꞌabanata kꞌobꞌera jõma chupeasidꞌa. Mobe ũrĩsidꞌa Bernabéba Pabloba jarabʉdata ũdudꞌakꞌa zromata Daizezeba ãzhidꞌeba odꞌata judíorã ẽãne edꞌa.

Hechos 19:21

Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Hechos 21:19

Maʉ̃rã saludꞌape abꞌa abꞌaʉdꞌe nebʉrʉsia judíorã ẽãta bꞌedꞌe edꞌa Daizezeba kꞌãrẽ odꞌata izhi miã ũrãgꞌa wãne.

Hechos 28:14

Mama mebẽrã ʉ̃kʉrʉ ũdusidꞌa, maʉ̃rã zuburia bedꞌeasidꞌa dai ãzhi bawara duanemarẽã ewari siete. Mobebʉrʉ wãsidꞌa Roma pʉwʉrʉedꞌa.

Romanos 1:12

Aramaʉ̃nerã zhiya zareabi nʉmeãña Jesúsdꞌebema ĩjã bꞌedꞌeba marãbidꞌa mʉãbidꞌa.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.

Romanos 7:1

Mebẽrã, mʉrã marã Moisé ũrãgꞌa kꞌawua bꞌea bedꞌeaya, ¿marãba kꞌawua bꞌedꞌera dazhira Moisé ũrãgꞌadꞌe bꞌʉ ẽka wadꞌi zokꞌai bꞌʉdꞌera?