Romanos 1:1 - Porciones del Nuevo Testamento

¹ Mʉrã Pabloa, mʉrã Jesucristo nezokꞌa, mʉrã izha jʉrʉpe zokꞌasia bedꞌea biata jaramarẽã Daizezedꞌeta.

Romanos 1:1 ပူးပေါင်းရင်းမြစ်များ

Marcos 1:14

Juan cárceldꞌe bꞌʉdꞌapeadꞌa tẽãne Jesús Galilea druaedꞌa wãsia bedꞌea biata jaradꞌe Daizezeta Nokꞌodꞌebemata.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Juan 15:15

Mʉã ya marã mʉ nezokꞌarã a ẽã, nezokꞌabara kꞌawua ẽbaera izhi nokꞌoba kꞌãrẽ obꞌʉra. Awuarabʉrʉ mʉãrã mʉ bawara zhibiarã abꞌʉa, mʉ Zezedꞌeba kꞌãrẽ jõma mʉã ũrĩnarã mʉã marãã kꞌawuabiga bꞌʉba.

Juan 15:20

Bedꞌeata bude baudua mʉã marãã mawũãnata: Nezokꞌara audre zhi zroma ẽã izhi nokꞌo kꞌãñabara. Mʉ zuburia oita pẽwã bꞌedꞌebara, marãsidꞌa zuburia oita pẽwãnaña. Mʉ bedꞌeata aribꞌae bꞌedꞌebara, marã bedꞌeasidꞌa aribꞌaedꞌaya.

Hechos 13:9

Mawũẽ Saulo abꞌaʉta Pablobara Jawurebiaba bira bꞌʉba akʉ,

Hechos 20:24

Mawũãmina mʉãrã maʉ̃ta krĩcha bꞌʉ ẽã, miã mʉãrã mʉzhita krĩcha bꞌʉ ẽã. Awuarabʉrʉ mʉã oi barata sobia jõbiita bꞌʉa, Nokꞌo Jesúsdꞌeba mʉã jidadꞌata bedꞌea biata jaraita izhi biaba jarabi nʉmʉkꞌãrĩta Daizezeba.

Hechos 21:40

Mawũãĩ jaribara idaribibʉrʉba Pablo dume maẽ ʉ̃ta nʉmepe chupeadꞌamarẽã juwuaba jarasia zhãrã kꞌobꞌea. Aramaʉ̃ne chupeadꞌai hebreo bedꞌeadꞌe bedꞌea mawũãsia:

Hechos 22:21

Mʉã mawũãĩ mawũãsia: Wãrũã, mʉã bʉra wawara zokꞌaya judíorã ẽãma.

Hechos 22:7

Mʉta udꞌa bꞌaebʉrʉdꞌera nemita ũrĩbʉrʉta mʉãã mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?

Hechos 26:1

Mobebʉrʉ rey Agripabara Pabloa mawũãsia: Bʉzhikusa zhi kꞌareba bedꞌearua. Mawũãĩ Pablora juwua jirabꞌari izhikusa zhi kꞌareba mawũãsia:

Hechos 26:14

Dai jõma egorodꞌe bꞌaebʉdadꞌera mʉã nemita ũrĩsia hebreo bedꞌeadꞌe mʉãã mawũãbʉrʉta: Saulo, Saulo, ¿bʉa mʉrã kꞌãrẽã pẽwã bꞌʉ? Bʉra kꞌãwũãrã dobꞌa pugabʉrʉa sumiãta ne kĩrãkꞌa.

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Romanos 1:16

Mʉrã pera ẽã Jesúsdꞌebema bedꞌea biata jaraira, maʉ̃ Daizeze zareata jõma zhi ĩjãbʉdata ẽdrʉidꞌebema judíorãta judíorã ẽãta.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Romanos 1:9

Mʉãrã Daizezera soidꞌu aribꞌae bꞌʉba bedꞌea biata jara bꞌʉa zhi Warradꞌeta, izhara kꞌawua bꞌʉa mʉã marã ewariza jara tau ẽãta mʉ zhiwidꞌibʉrʉdꞌera.

Romanos 11:13

Mʉrã bedꞌeaya marã judíorã ẽãta bꞌea. Mʉrã Daizezeba marã judíorã ẽãma zokꞌadꞌaba mʉma biga mʉ miã ũrãgꞌa bꞌʉra.

Romanos 15:16

Jesucristo nezokꞌata bꞌamarẽã judíorã ẽãta bꞌerãĩta. Mawũẽ mʉãrã bedꞌea biata Daizezedꞌeta jarakꞌa bꞌʉa, sacerdoteba nendʉwʉrʉ Daizezeba krĩñata webari kĩrãkꞌa judíorã ẽãrã aramaʉ̃ne izhima we bꞌʉa izhiita bꞌeamarẽã Jawurebiadꞌeba.

Romanos 15:29

Mʉã kꞌawua bꞌʉa mʉ marãma wãbʉrʉdꞌera mʉrã marãĩta ne biaba bira jũẽña bedꞌea biata Cristodꞌeba.

Romanos 16:18

Mawũã bꞌebara aribꞌae duanu ẽã dazhirã Nokꞌo Jesucristodꞌera, awuarabʉrʉ aribꞌae bꞌea ãzha krĩñata. Aramaʉ̃ne bedꞌea bia nʉmeba zhãrã sota sewa bꞌea borekea zhi sewabi bꞌeta.

Romanos 16:25

Daizezebara marã jipa nʉmabi bꞌeya bedꞌea biata mʉã jaradꞌaba Jesucristodꞌebemata, mawũã nʉmabigaira izha kꞌawuabisia kꞌawuabi ẽã bꞌadꞌata ewari na wedꞌauba.