Mateo 6:31 - Porciones del Nuevo Testamento

³¹ Mawũẽ sopua mawũãrãũdua: ¿Kꞌãrẽta kꞌodꞌaipe, kꞌãrẽta dodꞌaipe, kꞌãrẽta jʉ̃naĩpe?

Mateo 6:31 ပူးပေါင်းရင်းမြစ်များ

Mateo 15:33

Mawũãĩ izha jʉrʉkuadꞌabara mawũãsidꞌa: ¿Miõ ne ẽã maẽrã dazhirãbara zhiko sãma ũdudꞌaipe mawũã nekꞌobigaira kꞌãbãẽã kꞌabanata?

Mateo 4:4

Mawũãĩ Jesúsbara panaʉ̃ mawũãsia: Maʉ̃ẽnabemata zhi bꞌʉmata mawũã bꞌʉa: Zhãrã bari zhikoba bꞌa ẽã, awuarabʉrʉ Daizezeba jara bꞌʉta jõma aribꞌae bꞌʉba bꞌaya. (Deuteronomio 8:3)

Mateo 6:25

Maʉ̃neba mʉã marãã jaraya: Sopuarãũdua mazhi bꞌaidꞌebema kꞌarea, kꞌãrẽta kꞌoidꞌe o kꞌãrẽta doidꞌe, miã mazhi kꞌakuaita kꞌãrẽta jʉ̃ĩne sopuarãũdua. ¿Dazhi bꞌʉra audre vale bꞌʉ ẽka zhiko kꞌãñabara, kꞌakuara audre vale bꞌʉ ẽka wua kꞌãñabara?

Mateo 6:27

¿Marãnebemabara kꞌaiba izhi bio sopua nʉmʉba izhira ewari wueta bꞌabi bꞌeipe?

Lucas 10:41

Mawũãĩ Jesúsbara panaʉ̃ mawũãsia: Marta, bʉra kꞌawua ẽã ĩñabasia nʉmʉã kꞌãrẽ oita bioba.

Lucas 12:11

De zhi jʉrebada nʉmeza marã webʉdata nokꞌorã bedꞌea araa obada kĩrãbita webʉdadꞌera, perarãũdua sãwũã panaʉ̃naĩ kꞌareara, o kꞌãrẽ jaradꞌai kꞌareara.

Lucas 12:22

Maʉ̃ tẽã Jesúsbara izha jʉrʉkuadꞌaa mawũãsia: Maʉ̃neba mʉã marãã jaraya: Sopuarãũdua mazhi bꞌaidꞌebema kꞌarea, kꞌãrẽta kꞌoidꞌe, miã kꞌakuaita kꞌãrẽta jʉ̃ĩne.

Lucas 12:29

Maʉ̃ba marã sopua bꞌearãũdua kꞌãrẽ kꞌoi kꞌarea, kꞌãrẽ doi kꞌarea, miã sãwũãĩ kꞌawua ẽã bꞌearãũdua.