Mateo 5:37 - Porciones del Nuevo Testamento

³⁷ Kꞌãrẽta marãba odꞌaibʉrʉ ãjãne audua, odꞌa ẽbʉrʉ ãjãne arãũdua. Ne ãmaña jarabʉrʉra bia ẽãneba ze bꞌʉta ãtõmiãneba ze bꞌʉa.

Mateo 5:37 ပူးပေါင်းရင်းမြစ်များ

Mateo 13:19

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Mateo 13:38

Druara ẽjũãne zhãrã bꞌeta maʉ̃ã, trigo ta zhi biara Daizezeta Nokꞌodꞌebemata bꞌeta maʉ̃ã, chirua kꞌazhiruara ãtõmiã bia ẽãneta bꞌeta maʉ̃ã.

Mateo 15:19

Sodꞌebara ze bꞌʉa krĩchata bia ẽãta, miã beaita, kĩma ẽãta erukꞌãĩta, nezrʉgaita, sewa nebʉrʉita, zhãrã ikꞌazhirua jaraita.

Mateo 5:36

Kꞌãrẽ oita miã bʉzhi buru daidꞌu wãrĩnu aribꞌaeya arãrũã, bʉara budꞌa abꞌabidꞌa torroa pãĩma obꞌe ẽbaera.

Mateo 6:13

Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara. Reyta nʉmaĩrã bʉrea, zareara bʉrea, zhi zromata nʉmaĩrã bʉrea ewari nʉmʉ jõma. Amén.

Juan 17:15

Mʉãrã widꞌi ẽã bʉa naʉ̃ ẽjũãneba ãĩ jʉre edemarẽã, awuarabʉrʉ widꞌi bꞌʉa kꞌarebamarẽã ãtõmiã bia ẽã juwuadꞌeba.

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.