Mateo 5:30 - Porciones del Nuevo Testamento

³⁰ Juwua araba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ juwuara bꞌʉatupe bʉdꞌebara bꞌaribuebʉrʉkꞌarua. Audre biga bʉdꞌebemata abꞌa aduaita bʉta kꞌakua igurua bꞌaribuedꞌai kꞌãñabara tebʉdꞌe.

Mateo 5:30 ပူးပေါင်းရင်းမြစ်များ

Mateo 11:6

Sobia bꞌaya mʉnebemata ĩjã ẽã nʉmʉ ẽãrã.

Mateo 13:21

Mawũãmina bia kꞌarra jida ẽãba dããrã zrogꞌa ẽã, mawũẽ zuburiabʉrʉdꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌari bꞌʉa.

Mateo 16:23

Mawũãĩ Jesús pʉrʉwape Pedroa bedꞌeabʉrʉ kĩrãkꞌa mawũãsia: Ãĩ wãrũã mʉ kĩrãbitaubara ãtõmiã. Bʉara mʉrã bꞌaebiya nʉmʉã, bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.

Mateo 17:27

Mawũãmina bĩ ẽã duana ẽbamarẽã wãrũã do jedꞌea õbꞌʉidꞌu, mobe bꞌeda gadua, bʉa bꞌeda naara jiraedabʉrʉta itoebꞌaribʉrʉdꞌe yedꞌa ũduya platata, maʉ̃ta jiraedape maʉ̃ba pagꞌadua impuesto mʉrẽta bʉreta.

Mateo 18:8

Maʉ̃ba bʉ juwuaba o bʉ jẽrũba bʉta kꞌazhiruadꞌe bꞌaebiidꞌebema orãrũã, aramaʉ̃ne bꞌʉatukuape bʉdꞌebara pepekuabʉrʉkꞌarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa o jẽrũ abꞌa bꞌʉta, juwua ũme jẽrũ ũme bꞌʉta bꞌaribuedꞌai kꞌãñabara tebʉ kikꞌadꞌe.

Mateo 22:13

Mawũẽ reybara ne aribꞌae nʉmeã mawũãsia: Jẽrũta, juwuata jʉ̃ũdua, mobe bꞌaribueudua ãĩ pãrĩguadꞌe tebʉdꞌe, mama jẽgaya kidꞌa kꞌõsesea.

Mateo 25:20

Mawũẽ moneda cinco mil jidadꞌata zebʉrʉbara audꞌu cinco mil webʉrʉta mawũãsia: Nokꞌó, bʉara mʉããrã chãbꞌarisia moneda cinco mil, mawũẽ za bꞌʉa, mʉãrã ganasia audꞌu cinco mil.

Mateo 26:31

Maʉ̃ne Jesúsbara mawũãsia: Marãbara mʉrã jõmaʉ̃ba ãmaẽnaña nane diamase. Maʉ̃ẽnabemata zhi bꞌʉmata mawũã bꞌʉa: Mʉãrã ãzhi akʉbarita beaya, mawũẽ oveja ãba bꞌera jãrãzoaya.

Mateo 5:22

Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Mateo 5:29

Mawũẽ bʉ dabʉ juwua araarebemaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtape bʉdꞌebara bꞌaribuebʉrʉkꞌarua. Audre biga bʉdꞌebemata abꞌa aduaita bʉta kꞌakua igurua bꞌaribuedꞌai kꞌãñabara tebʉdꞌe.

Marcos 9:43

Bʉ juwuaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ juwuara bꞌʉatubʉrʉkarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa bꞌʉta, juwua ũme bꞌʉta wãĩ kꞌãñabara tebʉ kikꞌadꞌe.

Lucas 12:5

Mawũãmina kꞌaitrʉ wawiadꞌaita mʉã marãã jaraya: Daizezetrʉ wawiaudua, zhãrã beubipe jawure tebʉdꞌe bꞌaribuei zareata erubꞌʉa. Mʉã marãã jaraya, izhitrʉ wawiaudua.

Lucas 17:2

Mawũẽ biga bakꞌausia osidaudꞌe yuta tãjʉ̃nape bꞌaribuedꞌaita pusadꞌe, abꞌa kꞌazhiruadꞌe bꞌaebii kꞌãñabara mʉnebema ĩjã bꞌe za wĩka kedꞌeta.

Romanos 9:33

Maʉ̃ẽnabemata zhi bꞌʉmata mawũã bꞌʉa: Mʉã Jerusalénne mongꞌarata bꞌʉya zhãrã tẽnedrʉbarita, izhidꞌebemata ĩjã bꞌʉra bariara ẽã. (Isaías 28:16)