Mateo 5:17 - Porciones del Nuevo Testamento

¹⁷ Krĩcharãũdua mʉrã Daizezeba ũrãgꞌa Moiséa diadꞌata seribi ẽã nʉmʉĩta zesita, Daizezeba bedꞌeata jarabibarirãba bꞌʉdꞌapeadꞌata seribi ẽã nʉmʉĩta zesita. Awuarabʉrʉ mʉrã zesia maʉ̃ aribꞌaeita.

Mateo 5:17 ပူးပေါင်းရင်းမြစ်များ

Mateo 3:15

Mawũãĩ Jesúsbara panaʉ̃ mawũãsia: Mʉrã buru kꞌoedua, dazhara aramaʉ̃ne Daizezeba krĩñata aribꞌaedꞌaya. Mawũãĩ buru kꞌoesia.

Mateo 7:12

Zhãrãba ne jõmaʉ̃ne marã sãwũã odꞌaita krĩña bꞌedꞌe marãba ãzhita mawũã oudua. Maʉ̃ta Daizezeba ũrãgꞌa Moiséa diadꞌa, maʉ̃ta Daizezeba bedꞌeata jarabibarirãba bꞌʉdꞌapeadꞌa.

Lucas 16:17

Audre borekea nebaya bãjãta, druata, mawũãmina bedꞌea abꞌabidꞌa neba ẽãba arimaẽ berabꞌariya Daizezeba diadꞌa ũrãgꞌara.

Juan 8:5

Ũrãgꞌadꞌera Moisébara daia jarasia wũẽrã kꞌãwũã bꞌera mongꞌaraba tabꞌari beadꞌamarẽã. ¿Mawũẽ bʉara kꞌasia aipe?

Hechos 18:13

mawũãsidꞌa: Naʉ̃ba Daizeze wawiadꞌaita zhãrãã jara bꞌʉra jãpe bꞌʉa Roma leydꞌebara.

Hechos 21:28

nemi jĩgua mawũãsidꞌa: Israelitarã, daita kꞌarebaudua. Naʉ̃bara baridu maẽ jõmaʉ̃ã ãña jara bꞌʉa dazhirã ʉ̃rʉ̃, Moisé ũrãgꞌa ʉ̃rʉ̃, naʉ̃ Daizeze de ʉ̃rʉ̃. Maʉ̃ awuara griegorãta edꞌa wãbisia Daizeze dedꞌa ewara maẽ, aramaʉ̃ne mitia osia nene ẽãta naʉ̃ Daizeze dera.

Hechos 6:13

Maʉ̃nerã sewa nebʉrʉbibʉdabara mawũãsidꞌa: Naʉ̃bara bĩ ẽã jara tau ẽã naʉ̃ Daizeze deta, Moisé ũrãgꞌata.

Romanos 10:4

Moisé ũrãgꞌara ma aribꞌaesia Cristoba, maʉ̃neba Daizezebara bedꞌea ne ẽã bꞌʉya izhidꞌebemata ĩjãbʉdara.

Romanos 3:31

¿Mawũã Jesúsdꞌebema ĩjãbʉrʉdꞌeba seribidꞌa ẽbaika Moisé ũrãgꞌara? ¡Mawũã ẽã! Awuarabʉrʉ mawũãrã aribꞌae bꞌea maʉ̃ ũrãgꞌata.

Romanos 8:4

Mawũã osia Moisé ũrãgꞌata dazhirãba aribꞌae bꞌedꞌamarẽã, mawũẽ zharadꞌebemane nʉme ẽã, awuarabʉrʉ nʉmeã Jawurebiadꞌeba.