Mateo 27:31 - Porciones del Nuevo Testamento

³¹ Ãzhima sewakꞌau bꞌʉdꞌeba mawũã jirpanape wua granate ãnebꞌaribidꞌapeadꞌara wẽãnape izhi wuata ãnebꞌaribisidꞌa, mobe edesidꞌa cruzdꞌe kꞌachidꞌaita.

Mateo 27:31 ပူးပေါင်းရင်းမြစ်များ

Mateo 20:19

Aramaʉ̃ne mʉrã chãbꞌaridꞌaya judíorã ẽãta bꞌea, mʉrã ãzhima sewakꞌau bꞌʉdꞌeba udꞌaya, cruzdꞌe kꞌachidꞌaya, mawũãmina ewari ũbeadꞌe beudꞌata piradrʉya.

Mateo 21:39

Aramaʉ̃ne jirtopota uvadꞌebara ãĩ jʉretadꞌape beasidꞌa.

Mateo 26:2

Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.

Marcos 15:20

Ãzhima sewakꞌau bꞌʉdꞌeba mawũã jirpanape wua granatera wẽãsidꞌa, mobe wua izhidꞌeta jʉ̃bidꞌape edesidꞌa cruzdꞌe kꞌachidꞌaita.

Juan 19:16

Aramaʉ̃ne Pilatobara Jesús ãzhaa chãbꞌaribʉrʉta soldaorãã chãbꞌarisia cruzdꞌe kꞌachi beadꞌamarẽã. Mawũẽ Jesús edesidꞌa.

Juan 19:27

Mobebʉrʉ maʉ̃ izha jʉrʉdꞌaa mawũãsia: Kꞌãʉ̃ bʉ papaa. Maʉ̃ ewadeba izha jʉrʉdꞌabara zhi papa kĩrãkꞌa erubꞌasia izhi dedꞌa.

Hechos 7:58

Pʉwʉrʉdꞌebara ãĩ ededꞌape mongꞌaraba tabꞌari jidasidꞌa, sewa nebʉrʉ ji kꞌobꞌebara ãzha wua ãnebꞌari bꞌera wẽãnape kũrã jẽrũ kꞌaita bꞌʉsidꞌa akʉmarẽã, maʉ̃ Saulo basia.