Mateo 25:34 - Porciones del Nuevo Testamento

³⁴ Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 25:34 ပူးပေါင်းရင်းမြစ်များ

Mateo 13:35

Aramaʉ̃ne arimaẽ berabꞌarisia Daizezeba bedꞌeata jarabibariba mawũãnata: Mʉãrã bedꞌeara ne biodꞌeba jarakꞌaya, jipa jarakꞌaya kꞌawuabiga ẽã bꞌʉta ẽjũã osidꞌeuba. (Salmos 78:2)

Mateo 19:29

Bariduba deta ãmaẽrã, zhi mebẽrã zhũmakĩrãrãta, nawekꞌaurãta ãmaẽrã, zezeta, papata, wũẽrãta, warrarãta, druata, mʉ kꞌarea ãmaẽrã, jidama cien jidaya ãmaña. Mobe Daizeze ũme bꞌai jõ ẽãta jidaya.

Mateo 20:23

Mawũãnaĩ izhara mawũãsia: Marã wãrĩnu mʉ zuburiai kĩrãkꞌara zuburiadꞌaya. Mawũãmina mʉ juwua araare, mʉ juwua ãkꞌaare jewedꞌabigaira mʉãrã diaidꞌe bꞌʉ ẽã. Awuarabʉrʉ jewedꞌa paneña maʉ̃ĩta zhi aribꞌaemata mʉ Zezeba.

Mateo 21:5

Jerusalénne bꞌea mawũãũdua: Marã Reyra marãma urua, Ibiadꞌe bꞌʉta burrodꞌe ʉ̃rʉ̃ jewedꞌa urua, burro kũrãne ʉ̃rʉ̃ urua nendʉwʉrʉ ne zʉgʉa ataubari waudꞌe. (Zacarías 9:9)

Mateo 25:21

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Mateo 25:23

Mawũãĩ izhi nokꞌobara mawũãsia: Biga, bʉra nezokꞌa biaba bia obʉrʉa, wĩkata bia obʉrʉba mʉãrã bio chãbꞌari bꞌʉya, edꞌa zerua mʉta bʉzhi nokꞌo ũme sobiarua.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Mateo 25:41

Mobebʉrʉ mʉãrã juwua ãkꞌaare kꞌobꞌea mawũãña: Marã ãĩ wãũdua mʉ maẽbara, marã Daizezeba bia edabʉrʉ ẽãrã wãũdua tebʉ kikꞌama, tebʉra zhi aribꞌaemata nʉmʉã ãtõmiãĩta izhi ángelerãĩta.

Mateo 27:37

Kꞌãrẽã beadꞌaita izhi buru ʉ̃rʉ̃ bꞌʉ jirabꞌʉbʉdata mawũã bꞌasia: Naʉ̃ Jesúa, Rey judíorãneã.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 5:19

Mawũẽ iabꞌaʉba maʉ̃ ũrãgꞌadꞌebemata abꞌa aribꞌae ẽãta wĩkata aribꞌae ẽbʉrʉ, aramaʉ̃ne zhãrã bꞌea aribꞌae ẽbaita jaradiara, zhi zroma ẽbaya Daizezeta Nokꞌodꞌebemanerã. Mawũãmina iabꞌaʉba aribꞌae nʉmʉrã, aramaʉ̃ne dewaraurãba aribꞌaedꞌamarẽã jaradia nʉmʉrã, maʉ̃ zhi zroma baya Daizezeta Nokꞌodꞌebemanerã.

Marcos 10:17

Jesús wãne iabꞌa wãẽba zepe izhi kĩrãbita sãkꞌokꞌodꞌe kꞌobꞌepe widꞌi mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽta oi barape Daizeze ũme bꞌai jõ ẽãta jidaira?

Marcos 10:40

Mawũãmina mʉ juwua araare, mʉ juwua ãkꞌaare jewedꞌabigaira mʉãrã diaidꞌe bꞌʉ ẽã, awuarabʉrʉ jewedꞌa paneña Daizezeba maʉ̃ĩta zhi aribꞌaemata.

Lucas 11:28

Mawũãĩ izhara mawũãsia: Audrera sobia bꞌeaidꞌe bꞌʉa Daizeze bedꞌeata ũrĩpe aribꞌae bꞌeta.

Lucas 11:50

Idꞌi ewade bꞌera Daizezebara kꞌawua oya izha bedꞌeata jarabibarirã bebu jõmaʉ̃ kꞌarea, bea uda ẽjũã osidꞌadꞌeba ʉ̃taa.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Lucas 19:38

Maʉ̃nerã mawũãsidꞌa: ¡Ibia jaradꞌaya Reyta Daizezedꞌeba zebʉrʉra, kꞌõbebaira Daizeze bawara adu-a bꞌeaya ʉ̃trera, izhira zhi zroma ʉ̃trera! (Salmos 118:25-26)

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 12:13

Mawũẽ pãrãrã kiduata tʉdꞌape kĩrãzhu wãsidꞌa, maʉ̃nerã nemi jĩgua mawũãsidꞌa: ¡Daizezera ibia jaradꞌaya! ¡Ibia jaradꞌaya Daizezedꞌeba zebʉrʉra, izhira Rey Israel bꞌedꞌea! (Salmos 118:25-26)

Juan 17:24

Zeze, bʉa mʉãã diadꞌata bꞌera mʉãrã krĩña bꞌʉa mʉta bꞌʉ maẽ ãzhisidꞌa mʉ bawara bꞌeaita, aramaʉ̃ne ãzha ũdudꞌamarẽã bʉa mʉrã zhi zromata bꞌʉdꞌata, bʉa mʉrã kʉãgꞌa ẽjũã oi nawedꞌa.

Juan 19:15

Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Hechos 15:18

Mʉta Nokꞌoba maʉ̃ta jarabʉrʉa, mʉãrã maʉ̃ jõma kꞌawuabibʉrʉa ewari dããrã wedꞌauba. (Amós 9:11-12)

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Romanos 8:17

Mawũã zhi warrarã baera Daizezeba ne erubꞌʉta jidadꞌaya Cristo bawarauba, izhi zuburiadꞌa kĩrãkꞌa zuburiadꞌara Daizezebara Cristo bawara bia bꞌʉya.