Mateo 23:18 - Porciones del Nuevo Testamento

¹⁸ Marãbara dewara mawũãbada: Iabꞌaʉba altar daidꞌu kꞌãrẽ wãrĩnu oita jarape o ẽbʉrʉ kꞌãrẽ ẽã. Mawũãmina nendʉwʉrʉ altar maẽ ʉ̃rʉ̃ tabꞌʉ daidꞌu iabꞌaʉba kꞌãrẽ wãrĩnu oita jarabʉrʉra oibara abada.

Mateo 23:18 ပူးပေါင်းရင်းမြစ်များ

Mateo 23:16

¡Marã Daizezebara pua kꞌawua oya, zhãrã jipa ededꞌa ẽãba daʉbꞌerrea bꞌe kĩrãkꞌa bꞌea! Mawũẽ mawũãbada: Iabꞌaʉba Daizeze de daidꞌu kꞌãrẽ wãrĩnu oita jarape o ẽbʉrʉ kꞌãrẽ ẽã. Mawũãmina iabꞌaʉba Daizeze dedꞌa oro nʉmʉ daidꞌu kꞌãrẽ wãrĩnu oita jarabʉrʉra oibara abada.

Mateo 23:17

¡Marã krĩcha ne ẽã daʉbꞌerrea bꞌe kĩrãkꞌa bꞌea! ¿Sãʉ̃ta zhi zromape orota o Daizeze deta, izhi dedꞌa nʉmʉba Daizezedꞌe ẽka orora?

Mateo 23:19

¡Marã krĩcha ne ẽã bꞌeba daʉbꞌerrea bꞌe kĩrãkꞌa bꞌea! ¿Sãʉ̃ta zhi zromape nendʉwʉrʉta o altar nʉmʉta, altar maẽ kꞌobꞌebʉrʉba Daizezedꞌe ẽka nendʉwʉrʉra?

Marcos 7:11

Mawũãmina marãbara mawũãbada: Zhũmakĩrãbara zhi zezea o zhi papaa mawũãsia bꞌʉa: Mʉãrã jõma Daizezea diasia bʉ kꞌarebaita mʉã erubꞌadꞌara.