Mateo 22:31 - Porciones del Nuevo Testamento

³¹ Mawũãmina beudꞌata piradrʉdꞌaidꞌebema, ¿marãbara ledꞌakꞌa kĩrãkꞌa bꞌeta Daizezebara mawũãsi ẽka?:

Mateo 22:31 ပူးပေါင်းရင်းမြစ်များ

Mateo 12:3

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka rey Davidba odꞌara izhi ũme duanu bawara jarrasidꞌadꞌe?

Mateo 12:7

Sãwũãta kꞌawuadꞌara Daizezebara mawũãsia: Mʉãrã krĩña bꞌʉa zhãrã sozuburia bꞌeaita, mʉĩta nendʉwʉrʉta babue bꞌeai kꞌãñabara. Maʉ̃ta sãwũãta kꞌawua bꞌebʉrʉ jidꞌa ẽbakꞌausia mʉã jʉrʉkuadꞌa bedꞌea barabʉda ẽãta.

Mateo 21:16

mawũãsidꞌa: ¿Bʉara ũrĩ kꞌobꞌʉka naʉ̃rãba jara kꞌopanʉrã? Mawũãnaĩ Jesúsbara mawũãsia: Ããjã, ¿maʉ̃ẽnabemata marãbara ledꞌakꞌa kĩrãkꞌa bꞌeta mawũã bꞌʉ ẽka: Warrarã kedꞌea, ju do kedꞌea bʉzhita ibia jarabigaya abꞌʉ ẽka? (Salmos 8:2)

Mateo 21:42

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka? (Salmos 118:22-23)

Mateo 22:30

Beudꞌata piradrʉbʉdadꞌera miã kꞌãĩna ẽã, awuarabʉrʉ Daizeze ángelerã ʉ̃tre bꞌe kĩrãkꞌa bꞌeaya.

Mateo 22:32

¿Mʉrã Abraham Zhibaria, Isaac Zhibaria, Jacobo Zhibaria asi ẽka? Aramaʉ̃nerã Daizezera beukuadꞌa Zhibari ẽã, awuarabʉrʉ zokꞌai bꞌe Zhibaria.

Mateo 9:13

Mawũẽ wãũdua, mobe sãwũãta kꞌawaudua Daizezeba mawũãnata: Mʉãrã krĩña bꞌʉa zhãrã sozuburia bꞌeaita mʉĩta nendʉwʉrʉta babue bꞌeai kꞌãñabara. Daizezeba mawũãnaneba mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.