Mateo 17:20 - Porciones del Nuevo Testamento

²⁰ Mawũãnaĩ Jesúsbara mawũãsia: Bꞌedꞌa ẽbasia marã soidꞌu kꞌobꞌaita wãẽã bꞌeba. Mʉã wãrĩnu marãã jaraya, mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ kꞌatuma za nʉmʉã mawũã bꞌedꞌaya: Namaʉ̃bara zawa kꞌobꞌadꞌe wãrũã, mawũãnaĩ kꞌobꞌadꞌe wãña. Aramaʉ̃ne marãĩtara kꞌãrẽ obꞌe ẽãrã ne ẽbaya.

Mateo 17:20 ပူးပေါင်းရင်းမြစ်များ

Mateo 13:31

Dewara ne jarakꞌa mawũãsia: Daizezeta Nokꞌodꞌebemane bꞌera wari bꞌʉa, mawũẽ mostaza tadꞌebema kĩrãkꞌa bꞌʉa, iabꞌaʉba usia izhi druadꞌe.

Mateo 14:29

Mawũãĩ Jesúsbara mawũãsia: Zerua. Mawũãĩ Pedro jãbadꞌeba udꞌubꞌaepe do ʉ̃rʉ̃ tebadꞌewasia Jesúsma.

Mateo 17:17

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Weudua naĩnu.

Mateo 17:19

Mawũẽ izha jʉrʉkuadꞌabara Jesús orradꞌape dobꞌaʉa widꞌi mawũãsidꞌa: ¿Daibara kꞌãrẽneba ãĩ jʉreta bꞌedꞌa ẽbasi?

Mateo 17:9

Kꞌatumaneba yedꞌa ãzhi urudꞌe Jesúsbara mawũãsia: Marãba ũdubʉdara miõã jararãũdua, mʉ Beubari Bape bꞌʉta beudꞌata piradrʉyeedꞌa.

Mateo 21:21

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãta soidꞌu bꞌebʉrʉ, marãma kꞌãrẽta bꞌe ẽãne duanu ẽbʉrʉ bari kꞌãwũã bakuru higuera kĩrãkꞌa odꞌa ẽã, awuarabʉrʉ kꞌatuma za nʉmʉã jarabʉdata: Ãĩ wãrũã, pusadꞌe doidꞌu wãrũã abʉdadꞌera aribꞌae nʉmaẽdaya.

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Marcos 11:22

Mawũãĩ Jesúsbara panaʉ̃ mawũãsia: Soidꞌu kꞌobꞌa bꞌeaudua Daizeze ũme.

Marcos 11:23

Mʉã wãrĩnu marãã jaraya, bariduba kꞌatuma za nʉmʉã jarabʉrʉta: Ãĩ wãrũã, pusadꞌe doidꞌu wãrũã abʉrʉta, izhi soma bꞌe ẽãne kꞌobꞌʉ ẽbʉrʉ, awuarabʉrʉ soidꞌu kꞌobꞌʉba izha jara kꞌobꞌʉra aribꞌae nʉmaẽdaidꞌe kꞌobꞌʉra, izha jarabʉrʉra aribꞌae nʉmaẽdaya.

Marcos 4:31

Mostaza tadꞌebema kĩrãkꞌa bꞌʉa, ubada ne ta jõmaʉ̃ kꞌãñabara audre wĩka kiruta bꞌʉta druadꞌe.

Marcos 9:23

Mawũãĩ Jesúsbara mawũãsia: Soidꞌu kꞌobꞌa bꞌeibʉrʉ soidꞌu kꞌobꞌʉitara jõma borekea.

Lucas 1:37

Kꞌãrẽ obꞌe ẽãrã ne ẽã Daizezeitara.

Lucas 17:6

Mawũãnaĩ Nokꞌo Jesúsbara mawũãsia: Mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ bakuru za nʉmʉã mawũã bꞌedꞌaya: Ẽtotodua, mobe pusadꞌe nʉmane wãrũã, mawũãnaĩ marã bedꞌeara aribꞌaeya.

Lucas 18:27

Mawũãnaĩ Jesúsbara mawũãsia: Ẽdrʉira zhãrãĩtara boreke ẽãta, ẽdrʉbi bꞌeya Daizezebara.

Juan 11:40

Mawũãĩ Jesúsbara mawũãsia: ¿Mʉã bʉaa jarasi ẽka bʉa mʉnebemata ĩjãrã ũduita zarea Daizezedꞌera?