Mateo 16:28 - Porciones del Nuevo Testamento

²⁸ Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya mʉ Beubari Bape bꞌadꞌara zebʉrʉta Rey baita.

Mateo 16:28 ပူးပေါင်းရင်းမြစ်များ

Mateo 10:23

Pʉwʉrʉ abꞌaʉdꞌe marã pẽwã jirpanebʉdadꞌera merũ wãũdua awʉrʉ pʉwʉrʉedꞌa. Mʉã wãrĩnu marãã jaraya, Daizezedꞌebema jara bꞌeta marãbara ma pʉrrʉadꞌa ẽã Israeldꞌe pʉwʉrʉ tabꞌe jõmarã mʉta zei nawedꞌara mʉ Beubari Bape bꞌadꞌata.

Mateo 16:13

Cesarea Filipo druaedꞌa Jesús zebʉrʉdꞌera, izha jʉrʉkuadꞌaa widꞌi mawũãsia: ¿Zhãrãbara kꞌaita jara panʉ mʉ Beubari Bape bꞌʉra?

Mateo 24:3

Olivo kꞌatumane Jesús jewedꞌa bꞌʉdꞌe izha jʉrʉkuadꞌabara orradꞌape dobꞌaʉa mawũãsidꞌa: ¿Daia jaradua, sõmbedꞌepe Daizeze deta mawũã ãrĩnaĩrã, sãwũãĩpe bʉ zeira, sãwũãĩpe ewari nʉmʉta jõĩrã?

Mateo 24:34

Mʉã wãrĩnu marãã jaraya, zhãrã bꞌera neba ẽwedꞌa mʉã jara nʉmʉrã jõma arimaẽ berabꞌariya.

Mateo 24:42

Maʉ̃ba dauba bꞌeaudua, marãbara kꞌawuadꞌa ẽbaera kꞌãrẽ ʉ̃madaudꞌe zeita mʉta marã Nokꞌora.

Mateo 26:64

Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Marcos 13:26

Mobebʉrʉ mʉ Beubari Bape bꞌadꞌara jãrãrãne uruta ũdudꞌaya kꞌãbãẽã zarea bara kĩrãwãrẽã.

Marcos 8:38

Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Marcos 9:1

Dewara mawũãsia: Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya Daizezeta Nokꞌodꞌebema zesita zarea bara.

Lucas 18:8

Mʉã marãã jaraya, kꞌadrʉabai kꞌarebakuaya. Mawũãmina mʉ Beubari Bape bꞌadꞌata zebʉrʉdꞌera, ¿mawũã soidꞌu bꞌera ũduika naʉ̃ druadꞌera?

Lucas 2:26

Jawurebiaba zhi jarama basia izhira beu ẽãta izha ũdu ẽwedꞌara zhãrã Ẽdrʉbita Daizezedꞌeta.

Lucas 9:27

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya Daizezeta Nokꞌodꞌebemata.

Juan 21:22

Mawũãĩ Jesúsbara mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe? Bʉra mʉta pẽwã bꞌadua.

Juan 8:51

Mʉã wãrĩnu marãã jaraya: Mʉ bedꞌeata aribꞌae bꞌʉra beukꞌa baya.

Juan 8:52

Mawũãĩ judíorãbara mawũãsidꞌa: Ya daibara kꞌawuabʉda bʉra jaiba erunʉmʉã. Abraham beusia, Daizezeba bedꞌeata jarabibarirãsidꞌa beukuasia, maʉ̃ne bʉara mawũãbʉrʉa: Mʉ bedꞌeata aribꞌae bꞌʉra beukꞌa baya.

Hechos 1:11

Maʉ̃rãbara mawũãsidꞌa: Galilea bidꞌarã, marãbara, ¿kꞌãrẽã ʉ̃taa akʉ kꞌobꞌe? Kꞌãʉ̃ Jesús Daizezeba marã maẽba ʉ̃taa edebʉrʉra, kꞌãʉ̃ abꞌaʉta kꞌãwũã zeya mazha ũdubʉda kĩrãkꞌa ʉ̃taa wãbʉrʉta.