Mateo 15:32 - Porciones del Nuevo Testamento

³² Jesúsbara izha jʉrʉkuadꞌata trʉ̃pe mawũãsia: Mʉãrã zhãrã sozuburia kꞌobꞌʉa, mʉ bawara bꞌeta ewari ũbea babʉrʉta kꞌãrẽ kꞌoi ne ẽã bꞌea. Mʉãrã krĩña ẽã nekꞌo ẽã wãbigaira, manebʉrʉ nomadrʉdꞌaya odꞌe.

Mateo 15:32 ပူးပေါင်းရင်းမြစ်များ

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Mateo 14:13

Jesúsbara maʉ̃ta ũrĩpe mamaʉ̃bara dobꞌa jãbadꞌe wãsia miõ ne ẽãĩnu, zhãrãbara maʉ̃ta kꞌawuadꞌape kꞌaidꞌu jẽde wãsidꞌa pʉwʉrʉ tabꞌe maẽba.

Mateo 15:33

Mawũãĩ izha jʉrʉkuadꞌabara mawũãsidꞌa: ¿Miõ ne ẽã maẽrã dazhirãbara zhiko sãma ũdudꞌaipe mawũã nekꞌobigaira kꞌãbãẽã kꞌabanata?

Mateo 20:34

Mawũãnaĩ Jesúsbara sozuburiape dabʉ tõbꞌarikuasia, maʉ̃ daucha ne ũdusidꞌa, mawũẽ jʉ̃drʉsidꞌa kꞌaidꞌu.

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.

Mateo 9:36

Kꞌabanata ũdubʉrʉdꞌera sozuburiasia, Daizezedꞌebema kꞌaiba jarakꞌai ne ẽã dobꞌa bꞌeba ovejarã zhi akʉbari ne ẽkĩrãkꞌa.

Marcos 9:22

Jaibara bꞌaebima bio bꞌaebi bꞌʉa tebʉdꞌe o doedꞌa, aramaʉ̃ne beaita. Mawũãmina bʉa kꞌãrẽ oibʉrʉ daira sozuburiape kꞌarebarua.

Lucas 7:13

Nokꞌo Jesúsba ũdui sozuburiape mawũãsia: Jẽgarãrũã.

Hechos 27:33

Ãsabodꞌodꞌe Pablobara nekꞌodꞌamarẽã jõmaʉ̃ã mawũãsia: Naʉ̃ba ewarira semana ũme babʉrʉa sãwũãĩ kꞌawuaita jʉ̃ã bꞌedꞌe miã kꞌãrẽta kꞌo ẽã.