Mateo 14:31 - Porciones del Nuevo Testamento

³¹ Aramaʉ̃ta Jesúsbara juwuadꞌe jidape mawũãsia: ¡Bʉra soidꞌu kꞌobꞌaita wãẽã bꞌʉa! ¿Kꞌãrẽã teba bꞌe ẽãta krĩchabʉrʉ?

Mateo 14:31 ပူးပေါင်းရင်းမြစ်များ

Mateo 14:30

Mawũãmina zarea pʉ̃ãdrʉ nʉmʉta akʉpe perasia, maʉ̃ne tabʉsadꞌewai bꞌia mawũãsia: ¡Nokꞌó, mʉrã kꞌarebarua!

Mateo 14:32

Aramaʉ̃ne ãzhira jãbadꞌe bꞌaribʉdadꞌera tausia pʉ̃ãdrʉra.

Mateo 16:8

Jesúsbara maʉ̃ta kꞌawuape mawũãsia: ¿Kꞌãrẽã mazhirãĩnu bedꞌea kꞌobꞌe, marã soidꞌu kꞌobꞌaita wãẽã bꞌeba pan ne ẽãta jara kꞌobꞌe ẽka?

Mateo 17:20

Mawũãnaĩ Jesúsbara mawũãsia: Bꞌedꞌa ẽbasia marã soidꞌu kꞌobꞌaita wãẽã bꞌeba. Mʉã wãrĩnu marãã jaraya, mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ kꞌatuma za nʉmʉã mawũã bꞌedꞌaya: Namaʉ̃bara zawa kꞌobꞌadꞌe wãrũã, mawũãnaĩ kꞌobꞌadꞌe wãña. Aramaʉ̃ne marãĩtara kꞌãrẽ obꞌe ẽãrã ne ẽbaya.

Mateo 6:30

Chirua idꞌi meã takeradꞌata nunebai tebʉdꞌe babuebadata Daizezeba mawũã zhobi bꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Marcos 1:31

Mawũẽ Jesúsbara orrape juwuadꞌe jidape piradrʉbisia. Mawũẽ kʉwamiãbara aramaʉ̃ta kenabꞌaribʉrʉba izhara ne jigasia

Marcos 1:41

Mawũãĩ Jesúsbara izhira sozuburiape tõbꞌari mawũãsia: ¡Mʉãrã krĩña bꞌʉa, mawũẽ bʉra nene ẽã bꞌidꞌa!

Marcos 11:23

Mʉã wãrĩnu marãã jaraya, bariduba kꞌatuma za nʉmʉã jarabʉrʉta: Ãĩ wãrũã, pusadꞌe doidꞌu wãrũã abʉrʉta, izhi soma bꞌe ẽãne kꞌobꞌʉ ẽbʉrʉ, awuarabʉrʉ soidꞌu kꞌobꞌʉba izha jara kꞌobꞌʉra aribꞌae nʉmaẽdaidꞌe kꞌobꞌʉra, izha jarabʉrʉra aribꞌae nʉmaẽdaya.

Marcos 16:7

Wãũdua, mobe izha jʉrʉkuadꞌaa, Pedroa jaraudua izhira marã na Galileaedꞌa wãta. Maĩnu ũdudꞌaya izha marãã jaradꞌa kĩrãkꞌa.

Marcos 4:40

Mobebʉrʉ ãzhaa mawũãsia: ¿Kꞌãrẽã kꞌãwũã pera kꞌobꞌe? ¿Sãwũẽ soidꞌu kꞌopanʉ ẽpe?

Marcos 5:41

Mobe wũẽrã zakera juwuadꞌe jidape mawũãsia: ¡Talita cumi! Maʉ̃ bedꞌeabara mawũãsia: Wũẽrã zake, mʉã bʉaa jaraya piradrʉrua.

Lucas 24:34

Maʉ̃rãbara mawũãsidꞌa: Wãrĩnu Nokꞌora beudꞌata piradrʉsia. Zhi ũdubisia Simoũã.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.