Marcos 9:25 - Porciones del Nuevo Testamento

²⁵ Kꞌabana bʉredrʉbʉdata Jesúsba ũdui jaira kẽãbʉrʉta mawũãsia: Jai zhãrã bedꞌeabi ẽãrã ne ũrĩbi ẽãrã mʉã bʉaa jaraya, kꞌãʉ̃nebara ãĩ wãrũã, mobe wueta edꞌa wãrãrũã kꞌãʉ̃ne.

Marcos 9:25 ပူးပေါင်းရင်းမြစ်များ

Mateo 12:22

Jesúsma wesidꞌa jai abꞌʉta daʉbꞌerrea nemi ze ẽã bꞌʉta. Mawũẽ bꞌebibʉrʉba daʉbꞌerrea nemi ze ẽã bꞌadꞌara ne ũdu bedꞌeasia.

Mateo 17:18

Mobebʉrʉ Jesúsbara jaira kẽãsia, mawũẽ jaira ẽdrʉsia kũrãnebara, izhira aramaʉ̃ta bꞌesia.

Marcos 9:15

Zhãrã jõmaʉ̃ba ũdudꞌai bia akʉdrua izhima wãẽbadꞌape: ¡Kʉa! asidꞌa.

Marcos 9:24

Mawũãĩ aramaʉ̃ta kũrã zezebara nemi jĩgua mawũãsia: Mʉrã soidꞌu kꞌobꞌʉa. Mʉrã wuaabʉrʉ soidꞌu kꞌobꞌaita kꞌarebarua.

Marcos 9:26

Mawũãĩ jaira bꞌiape kũrã abꞌaedꞌa wawabipe ãĩ wãsia. Mawũẽ kũrã beudꞌa kĩrãkꞌa tabꞌebʉrʉba biobara beusia asidꞌa.

Lucas 11:14

Jesúsbara jaira ãĩ jʉretasia zhãrã nemi zebi ẽãta, aramaʉ̃ne jai ãĩ wãbʉrʉdꞌera nemi ze ẽã bꞌadꞌara bedꞌeabʉrʉba zhãrã kꞌobꞌebara bia akʉdruasidꞌa.

Lucas 4:35

Maʉ̃ne Jesúsbara kẽã mawũãsia: Chupearua, kꞌãʉ̃nebara ãĩ wãrũã. Mawũãĩ jaibara ãzhi ẽsadra bꞌaebipe maʉ̃nebara ãĩ wãsia puo ẽã.

Lucas 4:41

Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Lucas 8:29

Mawũã bedꞌeasia Jesúsbara jaira ãĩ wãmarẽã jara kꞌobꞌʉba maʉ̃nebara, ewari dããrã basia jaibara zuburia erunʉmʉta. Izhira cadenaba jʉ̃ bazhidꞌa jẽrũta juwuata, mawũãmina cadena tʉdꞌʉzoabipe jaibara wãbi bꞌasia drua drudrua tabꞌeidꞌu.

Lucas 9:42

Kũrãta urudꞌera jaibara bꞌaebipe abꞌaedꞌa wawabisia. Mawũãmina Jesúsbara jaira kẽãsia, aramaʉ̃ne kũrã bꞌebipe diasia zhi zezea.

Hechos 16:18

Maʉ̃ kꞌaudꞌa bꞌasia ewari bio. Mawũẽ Pablora bĩ ẽãpe pʉrʉwape jaia mawũãsia: Mʉã bʉaa jaraya, Jesucristo trʉ̃neba ãĩ wãrũã kꞌãʉ̃ wũẽrãnebara. Mawũãĩ ãĩ wãsia aramaʉ̃ta.