Marcos 9:22 - Porciones del Nuevo Testamento

²² Jaibara bꞌaebima bio bꞌaebi bꞌʉa tebʉdꞌe o doedꞌa, aramaʉ̃ne beaita. Mawũãmina bʉa kꞌãrẽ oibʉrʉ daira sozuburiape kꞌarebarua.

Marcos 9:22 ပူးပေါင်းရင်းမြစ်များ

Mateo 14:31

Aramaʉ̃ta Jesúsbara juwuadꞌe jidape mawũãsia: ¡Bʉra soidꞌu kꞌobꞌaita wãẽã bꞌʉa! ¿Kꞌãrẽã teba bꞌe ẽãta krĩchabʉrʉ?

Mateo 17:15

Nokꞌó, sozuburiarua mʉ warrata, wawa bꞌʉa, mawũẽ biodꞌe zuburia bꞌʉa, bꞌaema bio bꞌae bꞌʉa tebʉdꞌe, bꞌaema bio bꞌae bꞌʉa doedꞌa.

Mateo 20:34

Mawũãnaĩ Jesúsbara sozuburiape dabʉ tõbꞌarikuasia, maʉ̃ daucha ne ũdusidꞌa, mawũẽ jʉ̃drʉsidꞌa kꞌaidꞌu.

Mateo 8:2

Maʉ̃ne aidꞌaba kꞌaya bꞌʉba orrape izhi kĩrãbita sãkꞌokꞌodꞌe kꞌobꞌepe mawũãsia: Nokꞌó, bʉa krĩñabʉrʉ mʉrã nene ẽã bꞌebirua.

Mateo 9:28

Deidꞌu jũẽbʉrʉdꞌera daʉbꞌerrea panʉrã izhima zesidꞌa, mawũẽ Jesúsbara mawũãsia: ¿Marã daʉbꞌerrea panʉta mʉã ne ũdubigaira marãbara ĩjãnaĩka? Mawũãĩ ãzhara mawũãsidꞌa: Ããjã Nokꞌó.

Marcos 5:19

Mawũãmina Jesúsbara idaribi ẽbasia, awuarabʉrʉ mawũãsia: Dedꞌaa wãrũã, bʉzhi mebẽrãma wãrũã, mobe jaradua Daizezeba bia zromata obʉrʉta bʉ bꞌebibʉrʉta, bʉ sãwũã sozuburia bꞌidꞌapʉta.

Marcos 9:21

Jesúsbara zhi zezea widꞌi mawũãsia: ¿Dããrã babʉrʉka kꞌãwũã bꞌʉra? Mawũãĩ izhara mawũãsia: Wĩña wedꞌauba kꞌãwũã bꞌʉa.

Marcos 9:23

Mawũãĩ Jesúsbara mawũãsia: Soidꞌu kꞌobꞌa bꞌeibʉrʉ soidꞌu kꞌobꞌʉitara jõma borekea.

Lucas 7:13

Nokꞌo Jesúsba ũdui sozuburiape mawũãsia: Jẽgarãrũã.