Marcos 9:13 - Porciones del Nuevo Testamento

¹³ Mawũãmina mʉã marãã jaraya, Elíara ya zesia, maʉ̃ta ãzha krĩñane osidꞌa izhi sãwũã odꞌaita zhi bꞌʉmane.

Marcos 9:13 ပူးပေါင်းရင်းမြစ်များ

Mateo 11:14

Maʉ̃rãba jaradꞌapeadꞌata marãba ĩjãnarã kꞌãʉ̃ Juan basia Elía zeita bꞌadꞌara.

Marcos 9:12

Mawũãnaĩ Jesúsbara panaʉ̃ mawũãsia: Elíara wãrĩnu naara zeya, mobe ne jõma araa oya. ¿Zhi bꞌʉma ẽka mʉ Beubari Bape bꞌʉra biodꞌe zuburiai barata, seribidꞌa ẽbaita?

Marcos 9:14

Kꞌatumaneba Pedrota, Jacobota, Juanta Jesús bawara zebʉdata dewaraurã izha jʉrʉkuadꞌata kꞌobꞌe maẽ zebʉrʉdꞌera, ũdusia maʉ̃rã kꞌabanaba bʉredrʉ nʉmʉta, ũrãgꞌa Moisédꞌe jarabadata bĩ ẽã bedꞌea kꞌobꞌeasia ãzhi bawara.

Lucas 1:17

Izhira dazhirã Nokꞌo nawedꞌa zebʉrʉta Jawurebiaba Elíata zarea bꞌadꞌa kĩrãkꞌa bꞌaya. Aramaʉ̃ne soidꞌu ibiadꞌe babigaya zezerãta ãzhi warrarã bawara, Daizeze bedꞌeata aribꞌae ẽã bꞌeara aribꞌaebigaya biata bꞌedꞌe kĩrãkꞌa. Aramaʉ̃ne dazhirã Nokꞌo bia edaita bꞌeabiya.

Hechos 7:52

¿Daizezeba bedꞌeata jarabibarita bꞌeadꞌara zuburia odꞌaita pẽwã bꞌeasi ẽka marã zhibarirãbara? Ãzhara beasidꞌa Jesucristo zeita nawedꞌa jarabʉdara, marãbara izhira chãbꞌaridꞌape beabisidꞌa.