Marcos 9:12 - Porciones del Nuevo Testamento

¹² Mawũãnaĩ Jesúsbara panaʉ̃ mawũãsia: Elíara wãrĩnu naara zeya, mobe ne jõma araa oya. ¿Zhi bꞌʉma ẽka mʉ Beubari Bape bꞌʉra biodꞌe zuburiai barata, seribidꞌa ẽbaita?

Marcos 9:12 ပူးပေါင်းရင်းမြစ်များ

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 26:24

Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.

Marcos 10:33

Dazhirã wãrĩze wã Jerusalén pʉwʉrʉedꞌa, mʉ Beubari Bape bꞌʉra maĩnu chãbꞌaridꞌaya sacerdoterã nokꞌorãta bꞌea, ũrãgꞌa Moisédꞌe jarabadata bꞌea, maʉ̃rãbara jaradꞌaya mʉrã beadꞌamarẽã, aramaʉ̃ne mʉrã chãbꞌaridꞌaya judíorã ẽãta bꞌea.

Marcos 9:13

Mawũãmina mʉã marãã jaraya, Elíara ya zesia, maʉ̃ta ãzha krĩñane osidꞌa izhi sãwũã odꞌaita zhi bꞌʉmane.

Marcos 9:31

Maʉ̃ẽnabema izhara ũrãgꞌa nʉmasia izha jʉrʉkuadꞌata, maʉ̃nerã mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya, maʉ̃nerã beadꞌaya. Mawũãmina beudꞌata piradrʉya ewari ũbeadꞌe.

Lucas 1:76

Warra zake bʉra Ʉ̃trebemaba bedꞌeata jarabibaria adꞌaya. Bʉra dazhi Nokꞌo nawedꞌa nʉmaña bia ẽãrã ãmabʉdaba araa obʉdakꞌamarẽã izhi zei ota.

Lucas 23:11

Mobebʉrʉ Herodebara soldaorã izhidꞌe bawarauba kꞌãrẽ ẽãne edabʉdata ãzhima sewakꞌau bꞌʉdꞌeba reyba jʉ̃bari kĩrãkꞌa wua kĩrãwãrẽãta jʉ̃bisidꞌa, mobe wakusa edebisidꞌa Pilatoma.

Lucas 23:39

Bia ẽã omiãrãta kꞌachi jirapanʉbara abꞌaʉba Jesús ijura jara mawũãsia: Bʉta zhãrã Ẽdrʉbibʉrʉ bʉzhikusa ẽdrʉrua, ẽdrʉbigarua daisidꞌa.

Hechos 1:6

Mobebʉrʉ ãba kꞌopanʉbara widꞌi mawũãsidꞌa: Nokꞌó, ¿bʉra Israel bꞌe Nokꞌota bꞌeika idꞌi ewade?

Hechos 4:11

Maʉ̃ Jesúra mongꞌara de oita seri ẽãne bꞌʉbada kĩrãkꞌa seribidꞌa ẽbasia marã de obadabara, maʉ̃ne maʉ̃trʉ wagꞌauta bꞌesia.