Marcos 8:33 - Porciones del Nuevo Testamento

³³ Mawũãmina izhira pʉrʉwape izha jʉrʉkuadꞌata akʉkua Pedrota kẽãbʉrʉ kĩrãkꞌa mawũãsia: ¡Ãĩ wãrũã mʉ kĩrãbitaubara ãtõmiã! Bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.

Marcos 8:33 ပူးပေါင်းရင်းမြစ်များ

Mateo 15:23

Jesúsbara panaʉ̃ ẽbasia, mawũẽ izha jʉrʉkuadꞌabara orradꞌape zuburia bedꞌea mawũãsidꞌa: Wãmarẽã jaradua, bꞌia taia dazhirã kꞌaidꞌu.

Mateo 16:23

Mawũãĩ Jesús pʉrʉwape Pedroa bedꞌeabʉrʉ kĩrãkꞌa mawũãsia: Ãĩ wãrũã mʉ kĩrãbitaubara ãtõmiã. Bʉara mʉrã bꞌaebiya nʉmʉã, bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Marcos 3:34

Mawũãpe izhi bʉredrʉ jewedꞌa kꞌobꞌeta akʉpe mawũãsia: Za kꞌopanʉã mʉ papa, mʉ mebẽrã.

Marcos 3:5

Mawũẽ kĩrũ akʉkuasia, sozuburia ne ẽã so zarea bꞌeba sopuape juwua bagu bꞌʉa mawũãsia: Bʉzhi juwua jirabꞌaridua. Mawũãĩ izhara jirabꞌarisia, aramaʉ̃ne izhi juwuara bika bꞌesia.

Lucas 22:61

Maʉ̃ne Nokꞌo Jesús pʉrʉwape akʉsia Pedrora, mobebʉrʉ Pedrobara bude basia Nokꞌo Jesúsba mawũãnata: Gallo berui nawedꞌa bʉara mʉ ũdukꞌata jarama ũbea jaraya.

Lucas 4:8

Mawũãĩ Jesúsbara panaʉ̃ mawũãsia: Ãtõmiã, mʉ maẽbara wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Lucas 9:55

Mawũãnaĩ Jesús pʉrʉwape ãzhi kẽã mawũãsia: Marãbara kꞌawuadꞌa ẽã marã kꞌãrẽ Jawurebiadꞌeta bꞌera.