Marcos 7:31 - Porciones del Nuevo Testamento

³¹ Tiro druadꞌeba Jesús wakusa wãbʉrʉdꞌera, Sidón pʉwʉrʉdꞌe berabꞌari zesia Galileadꞌebema dota jedꞌea õbꞌʉidꞌu, aramaʉ̃ne berabꞌari zesia Decápoli druadꞌe.

Marcos 7:31 ပူးပေါင်းရင်းမြစ်များ

Mateo 11:21

¡Daizezebara pua kꞌawua oya Corazín pʉwʉrʉdꞌe bꞌera! ¡Pua kꞌawua oya Betsaida pʉwʉrʉdꞌe bꞌera! Tiro pʉwʉrʉdꞌe, Sidón pʉwʉrʉdꞌe ũdudꞌakꞌata obʉrʉta mʉã marã maẽ odꞌata osibʉrʉ, dããrãbʉrʉta sopuaba wua paima jʉ̃ jewedꞌadꞌape, sopuaba burudꞌe itarra podꞌape, kꞌazhiruara ãmape Daizezeta pẽwãkꞌausidꞌa.

Mateo 4:18

Galileadꞌebemata do jedꞌea õbꞌʉ doya Jesús taidꞌe, ũme mebẽrãta panʉta ũdusia, abꞌa Simónta Pedro basia, zhi mebea Andrés basia. Do jedꞌea õbꞌʉ maẽ atarrayata bꞌari panasia bꞌeda beamiãta panasi baera.

Mateo 4:25

Zhãrã bio Jesús kꞌaidꞌu nʉmasia Galilea druadꞌebemata, Decápoli pʉwʉrʉdꞌebemata, Jerusalén pʉwʉrʉdꞌebemata, Judea druadꞌebemata, Jordán dodꞌe kĩrãrẽbemarãta.

Marcos 5:20

Mawũãĩ izhira wãpe Decápoli druadꞌe pʉwʉrʉ tabꞌeza jarakꞌasia bia zromata obʉrʉta Jesúsba izhi sãwũã bꞌebibʉrʉta. Mawũẽ jõma sobiasidꞌa.

Marcos 7:24

Mamaʉ̃bara Jesús wãsia Tiro druaedꞌa Sidón druaedꞌa. Zhãrã maẽ deidꞌu wãbʉrʉta miõba kꞌawuadꞌaita krĩña ẽbasia, mawũãmina merũ bꞌe ẽbasia.

Marcos 7:30

Aramaʉ̃ne wũẽrã izhi dedꞌa zebʉrʉdꞌera ũdusia zhi kꞌaura camane tabꞌʉta, jaira ãĩ wãsia izhidꞌebara.