Marcos 7:13 - Porciones del Nuevo Testamento

¹³ Aramaʉ̃ne Daizeze bedꞌeara seribidꞌa ẽã mazhidꞌeta awʉrʉa kꞌawabi nʉmeba. Ne awʉrʉsidꞌa bio obꞌea aramaʉ̃ kĩrãkꞌa bꞌʉta.

Marcos 7:13 ပူးပေါင်းရင်းမြစ်များ

Mateo 15:6

Mawũãbʉrʉba marãma ya kꞌarebaidꞌe bꞌʉ ẽã zhi zezera o zhi papara. Daizezeba aribꞌaemarẽã jara bꞌʉra aramaʉ̃ne seribidꞌa ẽã mazhidꞌeta aribꞌaedꞌai kꞌarea.

Marcos 7:12

Aramaʉ̃ne idaribidꞌa ẽã kꞌãrẽ dewara oira zhi zezeita o zhi papaita.

Marcos 7:14

Maʉ̃ta jarape Jesúsbara kꞌabanata trʉ̃pe mawũãsia: Mʉã jaraita jõmaʉ̃ba ũrĩũdua, mobe sãwũãta kꞌawuaudua.

Marcos 7:3

Fariseorãbara judíorãbara jõmaʉ̃ba obꞌea zõrãrãba okꞌawa bꞌeadꞌata, mawũẽ sãwũã oi bꞌʉdꞌe juwuata surrua o ẽãrã nekꞌodꞌa ẽã.

Marcos 7:5

Mawũẽ fariseorãbara ũrãgꞌa Moisédꞌe jarabada bawarauba widꞌi mawũãsidꞌa: ¿Kꞌãrẽã bʉa jʉrʉkuadꞌabara aribꞌaedꞌa ẽpe zõrãrãba okꞌawa bꞌeadꞌara? Awuarabʉrʉ nekꞌo kꞌopanʉã juwua mitia.

Marcos 7:9

Dewara mawũãsia: Daizezeba aribꞌaemarẽã jara bꞌʉra sãwũã seribidꞌa ẽbaita bia kꞌawua bꞌea, mazhidꞌeta aribꞌaedꞌai kꞌarea.