Marcos 6:41 - Porciones del Nuevo Testamento

⁴¹ Mobebʉrʉ jiraedasia pan juesomata bꞌeda ũmeta, mobe ʉ̃taa akʉ zhiwidꞌipe pan bꞌʉekuape izha jʉrʉkuadꞌaa diasia jedꞌekadꞌamarẽã. Bꞌeda ũmesidꞌa ãzhi jõmaʉ̃ĩta ãzhiza bꞌʉekuasia jedꞌekadꞌamarẽã.

Marcos 6:41 ပူးပေါင်းရင်းမြစ်များ

Mateo 14:19

Mobebʉrʉ poajãrã ʉ̃rʉ̃ zhãrã jewedꞌabigape pan juesomata bꞌeda ũmeta jiraedape ʉ̃taa akʉ zhiwidꞌipe pan bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Mateo 15:36

Mobebʉrʉ jiraedasia pan sieteta, bꞌeda zakerãta, mobe Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Mateo 26:26

Nekꞌo kꞌobꞌedꞌe Jesúsbara pan jiraedape maʉ̃bari zhiwidꞌipe bꞌʉape izha jʉrʉkuadꞌaa dedꞌekabʉrʉta mawũãsia: Jidaudua, kꞌoudua, naʉ̃ mʉ kꞌakua.

Marcos 14:22

Nekꞌo duanune Jesúsbara pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Jidaudua, naʉ̃ mʉ kꞌakua.

Marcos 6:40

Mawũẽ awuara awuarakꞌa jewedꞌasidꞌa cienne, cincuentadꞌe.

Marcos 6:42

Aramaʉ̃ne jõma adꞌuba nekꞌosidꞌa.

Marcos 7:34

Mobe ʉ̃taa akʉ ĩñabape mawũãsia: ¡Efata! Maʉ̃ bedꞌeabara mawũãsia: ¡Ewadua!

Marcos 8:19

Pan juesomata cinco mil audre nʉmʉã mʉã jedꞌekasidꞌera, ¿zhi bꞌʉgʉzoamata jamara sõmbe bira jʉrepesidꞌa? Mawũãĩ ãzhara jarasidꞌa: Doce.

Lucas 24:30

Ãzhi bawara nekꞌoita jewedꞌabʉrʉdꞌera pan jiraedape maʉ̃bari Daizezea zhibia jipe bꞌʉape dedꞌekasia.

Lucas 9:16

Mobebʉrʉ jirakua edasia pan juesomata, bꞌeda ũmeta, mobe ʉ̃taa akʉ maʉ̃bari zhiwidꞌipe bꞌʉekuape diasia izha jʉrʉkuadꞌaa, jedꞌekadꞌamarẽã zhãrã kꞌobꞌea.

Juan 11:41

Mobebʉrʉ beudꞌata bꞌʉdꞌapeadꞌa maẽbara mongꞌara ãĩ edasidꞌa. Mawũẽ Jesúsbara ʉ̃taa akʉ mawũãsia: Zeze, mʉã bʉaa zhibia jiya mʉã widꞌidꞌara bʉa ũrĩbʉrʉba.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 6:11

Mobebʉrʉ Jesúsbara maʉ̃ pan jiraedape Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa jewedꞌa kꞌobꞌea, bꞌedasidꞌa abꞌarika osia ãzha kꞌobʉdadꞌe kꞌodꞌamarẽã.

Juan 6:23

Maʉ̃ne jãba awʉrʉta Tiberia pʉwʉrʉdꞌeba zesidꞌa, Jesúsba Daizezea zhibia jipe pan kꞌodꞌapeadꞌa kꞌaita.

Hechos 27:35

Mawũãpe pan jiraedape jõmaʉ̃ kĩrãbita Daizezea zhibia jipe bꞌʉape kꞌosia.

Romanos 14:6

Ewarita zhi wuagꞌa bꞌʉbara Daizezeita obꞌʉa. Ewarita zhi wuagꞌa ẽãbara Daizezeita o ẽã. Ne jõma kꞌo bꞌʉbara Daizezeita kꞌo bꞌʉa zhibia ji bꞌʉba Daizezea. Ne jõma kꞌo ẽãbara Daizezeita kꞌo ẽãta abꞌarika zhibia ji bꞌʉa Daizezea.