Marcos 6:37 - Porciones del Nuevo Testamento

³⁷ Mawũãnaĩ Jesúsbara panaʉ̃ mawũãsia: Marãba nekꞌobigaudua. Mawũãĩ ãzhara mawũãsidꞌa: ¿Daita wãnape denario docientoba pan edaira ewari dociento trajaidꞌe bꞌʉ ẽka aramaʉ̃ne nekꞌobigaira?

Marcos 6:37 ပူးပေါင်းရင်းမြစ်များ

Mateo 14:16

Mawũãnaĩ Jesúsbara mawũãsia: Wãnaĩrã nesidꞌa ẽã, marãba nekꞌobigaudua.

Mateo 18:28

Mawũãmina nezokꞌa maʉ̃ta wãbʉrʉdꞌera ũdusia abꞌarika nezokꞌata abꞌa izhaa wĩka deweta, mawũẽ ojʉ̃ãbara jidape mawũãsia: Mʉãã dewera pagꞌadua.

Marcos 6:36

Wãbigarua wãnamarẽã meã bꞌema, pʉwʉrʉ zake arakꞌaita tabꞌema, aramaʉ̃ne edadꞌamarẽã zhikota, kꞌãrẽ kꞌoi ne ẽã bꞌea.

Marcos 6:38

Mawũãnaĩ izhara mawũãsia: ¿Marãbara pan sõmbe erubꞌe? Akʉdꞌe wãũdua. Mawũãĩ wãnape kꞌawuadꞌape mawũãsidꞌa: Daibara erubꞌea pan juesoma bꞌeda ũme.

Lucas 7:41

Mawũãĩ Jesúsbara mawũãsia: Plata prestabariba erubꞌasia ũme debe panʉta. Trabajodꞌera abꞌa ewari quiniento deweta dewe basia denario quiniento, dewarabemata cincuenta.

Lucas 9:13

Mawũãnaĩ Jesúsbara mawũãsia: Marãba nekꞌobigaudua. Mawũãĩ ãzhara mawũãsidꞌa: Daibara eruduanuã pan juesoma, bꞌeda ũme, daita wãbʉda ẽbʉrʉ zhiko edadꞌe naʉ̃ jõmaʉ̃ kꞌabanaĩta.