Marcos 6:2 - Porciones del Nuevo Testamento

² Ẽnaʉ̃bada ewarita araa zebʉrʉdꞌera miã ũrãgꞌasia de zhi jʉrebada maẽ, maʉ̃ta bioba ũrĩnaĩ bia akʉdrua mawũãsidꞌa: ¿Naʉ̃ sãmaʉ̃ba kꞌãwũã nʉmʉ? ¿Naʉ̃bara krĩchara sãmaʉ̃ba kꞌãwũã erubꞌʉ, sãwũã ũdudꞌakꞌata okua bꞌʉ?

Marcos 6:2 ပူးပေါင်းရင်းမြစ်များ

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Mateo 7:28

Jesúsba maʉ̃ bedꞌeata ma jarabʉrʉdꞌera zhãrãbara bia akʉdruasidꞌa bia miã ũrãgꞌa bꞌʉdꞌeba.

Marcos 1:39

Aramaʉ̃ne de zhi jʉrebada nʉme maẽ miã ũrãgꞌasia Galilea drua jõma, ãĩ jʉrekua bꞌasia jaisidꞌa.

Marcos 10:1

Mama Capernaúm pʉwʉrʉdꞌebara Jesús wãbʉrʉta, Judea druaedꞌa wãsia do Jordán kĩrãrẽ. Mawũẽ zhãrãbara izhira wakusa bʉredrʉsidꞌa, mawũẽ wakusa miã ũrãgꞌasia izhi bꞌʉ kĩrãkꞌa.

Lucas 2:47

Izhi bedꞌeata ũrĩ nʉmebara bia akʉ duanasia krĩcha bara bꞌʉdꞌeba kꞌãrẽ bia panaʉ̃ bꞌʉba.

Lucas 4:15

Miã ũrãgꞌa bꞌasia de zhi jʉrebadata nʉmeza, maʉ̃nerã izhira jõmaʉ̃ba ibia jara bꞌeasia.

Juan 6:42

Maʉ̃nerã mawũãsidꞌa: ¿Naʉ̃ Jesúra José warra ẽka? Zhi Zezera, zhi papara dazhirãbara ũdukꞌawua bꞌea. ¿Maʉ̃ta sãwũã naʉ̃bara izhira ʉ̃treba zedꞌa abʉrʉ?

Juan 7:15

Mawũẽ judíorãbara bia akʉdrua mawũãsidꞌa: ¿Naʉ̃bara sãwũã kꞌawua bꞌʉ miã ũrãgꞌaidꞌebema estudia ẽbadꞌata?