Marcos 6:11 - Porciones del Nuevo Testamento

¹¹ Baridu maẽ marãta bia edadꞌa ẽbʉrʉ, miã marã bedꞌeata ũrĩna ẽbʉrʉ, mamaʉ̃bara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita. Mʉã wãrĩnu marãã jaraya, Daizezeba kꞌawua obʉrʉ ewadera Sodoma pʉwʉrʉdꞌe, Gomorra pʉwʉrʉdꞌe bꞌeadꞌara yarebai zuburia bꞌeabiya maʉ̃ pʉwʉrʉdꞌe bꞌe kꞌãñabara.

Marcos 6:11 ပူးပေါင်းရင်းမြစ်များ

Mateo 12:36

Mawũẽ mʉã marãã jaraya, bedꞌeata bia ẽãta bedꞌeadꞌapeadꞌara jõma Daizezea jaradꞌaya izha kꞌawua obʉrʉ ewadera.

Marcos 6:10

Mobe mawũãsia: Baridu maẽ deidꞌu wãbʉdadꞌera mama kꞌãĩũdua mamaʉ̃ba wãnañeẽna.

Lucas 9:5

Baridu maẽ marãta bia edadꞌa ẽbʉrʉ maʉ̃ pʉwʉrʉdꞌebara ãĩ wãbʉdata egoro jarra marã jẽrũnebema niãweudua. Aramaʉ̃ne kꞌawuabidꞌaya ãzhira Daizezebara pua kꞌawua oita.

Hechos 18:6

Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.

Romanos 2:16

Daizezeba kꞌawua obʉrʉ ewadera zhãrãnebema kꞌawuadꞌa ẽãrã Jesucristodꞌeba kꞌawua oya bedꞌea biata mʉã jara bꞌʉdꞌe.

Romanos 2:5

Mawũãmina bʉ sora zarea nʉmʉã kꞌazhiruata ãmape izhi pẽwãĩrã, mawũẽ izhi kĩrũbita bʉzhikusaita bira wã kĩrũ zuburia oi ewariedꞌa. Maʉ̃nerã kꞌawuabiya sãwũã pua kꞌawua oi bꞌʉdꞌe obʉrʉta Daizezebara.