Marcos 5:43 - Porciones del Nuevo Testamento

⁴³ Maʉ̃nerã Jesúsbara zarea jarakꞌasia maʉ̃ta miõã kꞌawuabidꞌa ẽbamarẽã, mobe jarasia zhiko diadꞌamarẽã wũẽrã zakera.

Marcos 5:43 ပူးပေါင်းရင်းမြစ်များ

Mateo 17:9

Kꞌatumaneba yedꞌa ãzhi urudꞌe Jesúsbara mawũãsia: Marãba ũdubʉdara miõã jararãũdua, mʉ Beubari Bape bꞌʉta beudꞌata piradrʉyeedꞌa.

Mateo 8:4

Mobebʉrʉ Jesúsbara mawũãsia: Bʉ kꞌãwũã bꞌebʉrʉta miõã jararãrũã, awuarabʉrʉ wãpe sacerdotea ũdubirua, mobe bʉzhi bꞌedꞌabari nendʉwʉrʉta babuedꞌamarẽã diadua, Moiséba jaradꞌa kĩrãkꞌa odua bʉ bꞌebʉrʉta ãzha kꞌawuadꞌamarẽã.

Mateo 9:30

Aramaʉ̃ne ãzhira ne ũdu panesia. Jesúsbara zarea jarabʉrʉta mawũãsia: Kꞌãʉ̃ta miõã kꞌawuabirãũdua.

Marcos 1:43

Mobebʉrʉ maʉ̃ta jara ẽbamarẽã jarape wãbibʉrʉta,

Marcos 3:12

Mawũãnaĩ Jesúsbara zarea kẽãkuasia mawũã dajada jaradꞌa ẽbamarẽã.

Marcos 5:42

Aramaʉ̃ta wũẽrã zakera piradrʉpe tebadꞌewasia doce año bꞌʉta. Mawũẽ zhãrã kꞌobꞌera kꞌãbãẽã perakuasia.

Marcos 7:36

Jesúsbara jarasia maʉ̃ta miõã jaradꞌa ẽbamarẽã. Mawũãmina mawũã jarabʉrʉdꞌera wuaabʉrʉ nebʉrʉsidꞌa.

Marcos 9:9

Kꞌatumaneba yedꞌa ãzhi urudꞌe Jesúsbara jarasia ãzha ũdubʉdara miõã jaradꞌa ẽbamarẽã, izhi Beubari Bape bꞌʉta beudꞌata piradrʉyeedꞌa.

Lucas 24:30

Ãzhi bawara nekꞌoita jewedꞌabʉrʉdꞌera pan jiraedape maʉ̃bari Daizezea zhibia jipe bꞌʉape dedꞌekasia.

Lucas 5:14

Mobebʉrʉ Jesúsbara mawũãsia: Bʉ kꞌãwũã bꞌebʉrʉta miõã jararãrũã, awuarabʉrʉ wãpe sacerdotea ũdubirua, mobe bʉzhi nene ẽã bꞌedꞌabari nendʉwʉrʉta babuedꞌamarẽã diadua, Moiséba jaradꞌa kĩrãkꞌa odua bʉ bꞌebʉrʉta ãzha kꞌawuadꞌamarẽã.

Lucas 8:56

Zhibarirãbara bia akʉ kꞌopanasia. Maʉ̃ne Jesúsbara jarasia miõã jaradꞌa ẽbamarẽã mawũã berabꞌaribʉrʉra.

Juan 5:41

Mʉãrã zhãrãba mʉta bia jaradꞌamarẽã nʉmʉ ẽã.

Hechos 10:41

Ũdubiga ẽbasia zhãrã jõmaʉ̃ã, awuarabʉrʉ daia ũdubigasia Daizezebara daira maʉ̃ kꞌarea jʉrʉdꞌaba nawedꞌa. Daira izhi bawara nekꞌosidꞌa baniã dosidꞌa beudꞌata piradrʉdꞌa tẽã.