Marcos 5:24 - Porciones del Nuevo Testamento

²⁴ Mawũãĩ Jesús izhi ũme wãbʉrʉdꞌera kꞌabanata kꞌaidꞌu wãbʉdaba pẽũsua wãbisidꞌa.

Marcos 5:24 ပူးပေါင်းရင်းမြစ်များ

Marcos 3:20

Maʉ̃ tẽã ãzhira dedꞌaa zebʉrʉdꞌera zhãrãbara wakusa bʉredrʉsidꞌa, mawũẽ izha jʉrʉkuadꞌa bawara ãzhira miã nekꞌo bꞌedꞌa ẽbasia.

Marcos 5:23

biodꞌe zuburia bedꞌeabʉrʉta mawũãsia: Mʉ kꞌauta beubodꞌoa, mawũẽ wãda, mobe bʉ juwuata izhi ʉ̃rʉ̃ bꞌʉdua, mawũãrã bꞌepe bꞌaya.

Marcos 5:25

Maʉ̃ne wũẽrã abꞌa waba kꞌaya bꞌʉta doce año bata bꞌasia.

Marcos 5:31

Mawũãĩ izha jʉrʉkuadꞌabara mawũãsidꞌa: Akʉdua kꞌabanaba bʉra sãwũã pẽũsua wãbidꞌata, maʉ̃ta bʉara ¿mʉrã kꞌaiba tõbꞌarisi abʉrʉka?

Lucas 11:29

Kꞌabana bʉredrʉ bʉsidꞌe Jesúsbara mawũãsia: Zhãrã idꞌi ewadebema bia ẽãta bꞌea. Mʉta Daizezedꞌeba nʉmʉbʉrʉ ũdudꞌakꞌata ũdubimarẽã jara bꞌea. Mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Jonás berabꞌaridꞌa kĩrãkꞌabʉrʉ.

Lucas 12:1

Maʉ̃ne kꞌabana bʉredrʉ bʉsiba ãzhirãĩnu zhiya biradiga kꞌobꞌedꞌe Jesúsbara izha jʉrʉkuadꞌaa naara mawũãsia: Kĩrãkuita bꞌeaudua ne oreguea fariseorãne kꞌarea, ãzhi sewa bibaʉta bꞌeta maʉ̃ã.

Lucas 19:3

ũdu krĩña bꞌasia Jesús kꞌai kꞌawuaita, mawũãmina kꞌabanaba bꞌe ẽbasia wĩka bꞌʉba.

Lucas 7:6

Mawũãnaĩ Jesús wãsia ãzhi bawara. Mawũãmina de kꞌaita babʉdadꞌera soldaorã nokꞌobara izhi bawara zhibiata ʉ̃kʉrʉ izhima zokꞌabʉrʉta jarabuesia mawũãnamarẽã: Nokꞌó, mʉrã biata bꞌʉ ẽã bʉ mʉ dedꞌa deidꞌu zeira.

Lucas 8:42

Izhara kꞌauta abꞌa erubꞌʉta doce año bꞌʉta beubodꞌo basia. Jesús wãbʉrʉdꞌera kꞌabanaba pẽũsua wãbisidꞌa.

Lucas 8:45

Maʉ̃ne Jesúsbara mawũãsia: ¿Mʉrã kꞌaiba tõbꞌarisi? Jõmaʉ̃ba tõbꞌaridꞌa ẽãta jarasidꞌa, maʉ̃ne izhi ũme kꞌopanʉ bawarauba Pedroba mawũãsia: Miã Ũrãgꞌabari, kꞌabanaba bʉra pẽũsua wãbidꞌata, ¿mʉrã kꞌaiba tõbꞌarisi abʉrʉka?

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.