Marcos 5:23 - Porciones del Nuevo Testamento

²³ biodꞌe zuburia bedꞌeabʉrʉta mawũãsia: Mʉ kꞌauta beubodꞌoa, mawũẽ wãda, mobe bʉ juwuata izhi ʉ̃rʉ̃ bꞌʉdua, mawũãrã bꞌepe bꞌaya.

Marcos 5:23 ပူးပေါင်းရင်းမြစ်များ

Mateo 8:3

Mawũãĩ Jesúsbara juwuaba tõbꞌari mawũãsia: Mʉãrã krĩña bꞌʉa, mawũẽ bʉra nene ẽã bꞌidꞌa! Audre ẽãne izhi aidꞌara nebasia.

Marcos 16:18

Kꞌawua ẽãne dãmata tãbʉdasidꞌa, neãrãta dobibʉdasidꞌa maʉ̃bara nene ẽbaya. Kꞌayarã ʉ̃rʉ̃ juwuata bꞌʉbʉdadꞌera bꞌekuaya.

Marcos 5:24

Mawũãĩ Jesús izhi ũme wãbʉrʉdꞌera kꞌabanata kꞌaidꞌu wãbʉdaba pẽũsua wãbisidꞌa.

Marcos 6:13

Jaira bio ãĩ jʉrekuasidꞌa, nendragꞌaba bewatʉ kꞌayarã bio bꞌebikuasidꞌa.

Marcos 7:32

Maʉ̃ne ne ũrĩ ẽã bedꞌea bꞌe ẽãta izhima wedꞌape zuburia bedꞌeasidꞌa juwuata ʉ̃rʉ̃ bꞌʉmarẽã.

Marcos 8:23

Mawũãnaĩ Jesúsbara daʉbꞌerrea bꞌʉra juwuadꞌe jidape pʉwʉrʉdꞌebara ãĩ edesia. Mobe dabʉza idꞌope juwua ʉ̃rʉ̃ bꞌʉpe widꞌisia ne ũdu kꞌobꞌʉ kꞌawuaita.

Lucas 13:13

Mawũãpe juwua izhi ʉ̃rʉ̃ bꞌʉbʉrʉba jipa jĩrũsia. Mawũẽ ibia jarasia Daizezera.

Lucas 4:38

Mobebʉrʉ Jesús piradrʉpe de zhi jʉrebada maẽbara ãĩ wãpe wãsia Simón dedꞌa. Simón pakꞌõrẽ kꞌãbãẽã kʉwa nʉmʉba zuburia bedꞌeasidꞌa izhibari.

Lucas 4:40

Ʉ̃madau bꞌaebʉrʉdꞌera kꞌayata erubꞌeta ne kĩrãtõnoãba kꞌaya bꞌeta Jesúsma wesidꞌa. Mawũẽ izhara abꞌa abꞌakꞌa juwua ʉ̃rʉ̃ bꞌʉkua bꞌebikuasia.

Lucas 7:12

Pʉwʉrʉdꞌe edꞌa wãbada kꞌaita zebʉrʉdꞌera, joudꞌe akꞌopanasia beuwãrãta, zhi papadꞌera wau maʉ̃trʉ abꞌabai bꞌasia, izhira pẽdra basia. Izhi bawara zhãrã bio kꞌopanasia pʉwʉrʉdꞌebemata.

Juan 11:3

Zhi nawekꞌaurãbara bedꞌeata jarabuesidꞌa Jesúa mawũãnamarẽã: Nokꞌó, bʉa kʉãgꞌara kꞌaya nʉmʉã.

Hechos 28:8

Maʉ̃nerã Publio zezera kʉdꞌadꞌe tabꞌasia kʉwamiãba ãmiba. Pablo edꞌa wãsia akʉdꞌe, mobe zhiwidꞌipe juwua ʉ̃rʉ̃ bꞌʉpe bꞌebisia.

Hechos 6:6

Maʉ̃rãta edesidꞌa Jesúsba zokꞌakuadꞌa kĩrãbita, mawũẽ maʉ̃rãbara zhiwidꞌi ãzhi ʉ̃rʉ̃ juwua bꞌʉsidꞌa.

Hechos 8:17

Mawũẽ juwua ʉ̃rʉ̃ bꞌʉkuabʉdaba jidasidꞌa Jawurebiara.

Hechos 9:12

Izhara kꞌãĩmokꞌaradꞌe kĩrãkꞌa ũdusia ũmakĩrã Ananía abadata, ũdusia deidꞌu zepe juwua ʉ̃rʉ̃ bꞌʉ kꞌobꞌʉta wakusa ne ũdumarẽã.

Hechos 9:17

Mawũãĩ Ananía wãpe deidꞌu wãsia, mobe juwua izhi ʉ̃rʉ̃ bꞌʉpe mawũãsia: Mebea Saulo, Nokꞌo Jesús bʉ zedꞌa odꞌe bʉaa zhi ũdubidꞌaba mʉta zokꞌasia bʉta wakusa ne ũdumarẽã, Jawurebiaba bira bꞌamarẽã.